តាកែវ៖អភិបាលខេត្តតាកែវឯកឧត្តម វ៉ី សំណាង បានអំពាវនាវដល់​បងប្អូន​ប្រជាពលរដ្ឋនៅក្នុងខេត្តតាកែវ​ទាំងអស់សូម​ជួយឧបត្ថម្ភ​ជាសម្ភារៈឬថវិកាទោះច្រើនឬតិច ដល់កងទ័ពដើម្បីបង្ហាញពីការរួមរួម សាមគ្គីភាពគ្នាជាធ្លុងមួយនៃខឿនការពារ​ជាតិរបស់កម្ពុជាយើង។

ឯកឧត្តមថ្លែងនៅចំពោះមុខប្រជាពលរដ្ឋយ៉ាងច្រើនកុះករ ក្នុងឱកាស​សម្ពោធផ្លូវមួយខ្សែនៅក្នុងឃុំ ត្រាំកក់ ស្រុកត្រាំកក់ នៅចុងសប្ដាហ៍​នេះ។ ឯកឧត្តមបន្តថា វិស័យការពារជាតិយើងមិនអន់ជាង​ប្រទេស​ណា​នោះទេ ហើយរាជរដ្ឋាភិបាលក៏​មិន​មានការខ្វះខាតទេលើការ​ទ្រទ្រង់ផ្គត់ផ្គង់សម្ភារៈលើវិស័យការពារជាតិរួមទាំងការឧបត្ថម្ភការហូបចុកដែរ ក៏ប៉ុន្តែការចូលរួមឧបត្ថម្ភរបស់បងប្អូនប្រជាពលរដ្ឋដល់កងទ័ព​គឺបានបង្ហាញពីចឹត្តស្នេហាជាតិ ស្នេហាទឹកដី ចេះរួបរួមសាមគ្គីគ្នាជា​ធ្លុងមួយ​នៅពេលប្រទេសជាតិជួបបញ្ហានិងជួយលើក​តម្កើងដល់​ខឿនការពារជាតិយើងឱ្យកាន់តែរឹងមាំថែមទៀត៕

ដោយ៖សាំង សារ៉ាវី