កង់បេរ៉ា៖ អ្នកជួយសង្គ្រោះមានសុទិដ្ឋិនិយមចំពោះការរស់រានមានជីវិតរបស់ត្រីបាឡែន ដែលជាប់គាំង នៅក្នុងប្រទេសអូស្ត្រាលី។

ត្រីបាឡែន ជាង ៥០ក្បាលបានងាប់ បន្ទាប់ពីបានជាប់គាំងនៅលើឆ្នេរមួយ ក្នុងប្រទេសអូស្ត្រាលី នាភាគខាងលិច ប៉ុន្តែ អាជ្ញាធរបាននិយាយ កាលពីថ្ងៃពុធ សប្តាហ៍នេះថា ពួកគេមាន “សុទិដ្ឋិនិយម” ដែលត្រីបាឡែន ចំនួន៤៥ក្បាល ផ្សេងទៀតអាចរស់បាន។

ត្រីបាឡែនដែលមានប្រវែងវែង ចំនួនជិត១០០ក្បាលត្រូវបានគេប្រទះឃើញ នៅក្នុងទឹករាក់ក្បែរឆ្នេរ Cheynes ចម្ងាយប្រហែល ៤០០ គីឡូម៉ែត្រ ឬ ២៥០ ម៉ាយ ភាគអាគ្នេយ៍នៃទីក្រុង Perth កាលពីថ្ងៃអង្គារ។

ហាសិបក្បាល ក្នុងចំណោមពួកវាបានងាប់ ក្នុងពេលមួយយប់ បើទោះបីជាមានការខិតខំប្រឹងប្រែងពីអ្នកស្ម័គ្រចិត្ត និងបុគ្គលិកមកពីសេវាឧទ្យាន និងសត្វព្រៃរបស់រដ្ឋក៏ដោយ។

កាលពីរសៀលថ្ងៃពុធ អ្នកត្រួតពិនិត្យឧប្បត្តិហេតុ លោក Peter Hartley បាននិយាយថា ត្រីបាឡែនដែលនៅរស់ កំពុងត្រូវបានត្រួតពិនិត្យ ហើយពួកវាត្រូវបានគេវាយតម្លៃថា រឹងមាំគ្រប់គ្រាន់ ពួកវានឹងត្រូវបានដោះលែង។ លោក បានបន្ថែមថា អ្នកស្ម័គ្រចិត្ដជិះទូកកាយ៉ាក់ជួយបណ្ដេញពួកគេឆ្លងកាត់ផ្នែកថ្មនៃឆ្នេរសមុទ្រ ហើយចូលទៅក្នុងទឹកកាន់តែជ្រៅ។

លោកបាននិយាយថា “យើងមានសុទិដ្ឋិនិយម – យើងត្រូវតែមានសុទិដ្ឋិនិយម នៅក្នុងកិច្ចការនេះ” ។
លោកថា «វាតានតឹងខ្លាំងសម្រាប់មនុស្សទាំងអស់នៅទីនេះ – អ្នកស្ម័គ្រចិត្ត និងបុគ្គលិក – ហើយអ្នកត្រូវតែមានអ្វីដែលត្រូវរក្សា»។

ត្រីបាឡែន Pilot បង្កើតជារាងបេះដូង មុនពេលជាប់គាំងនៅភាគខាងលិចអូស្ត្រាលី។ រូបភាពពីយន្តហោះគ្មានមនុស្សបើកបង្ហាញហ្វូងត្រីបាឡែនសាកល្បង លេចចេញជារាងបេះដូង នៅក្នុងទឹកនៃឆ្នេរ Cheynes ភាគខាងលិចប្រទេសអូស្ត្រាលីកាលពីថ្ងៃអង្គារ មុនពេលដែលជាង ៥០ ក្បាលបានងាប់ បន្ទាប់ពីបានជាប់គាំងនៅលើឆ្នេរមួយ ពេញមួយយប់៕

ប្រភពពី AFP ប្រែសម្រួល៖ សារ៉ាត