ភ្នំពេញ៖ នៅវេលាម៉ោង ១រំលងអធ្រាត្រឈានចូលថ្ងៃទី៨ ខែកញ្ញា ឆ្នាំ២០២៣ មានក្មេងទំនើងពីរក្រុមដេញវាយគ្នាផ្អើល ពេញក្នុង បរិវេណ បឹងកក់ សង្កាត់ស្រះចក ខណ្ឌដូនពេញ ។ភ្លាមៗនោះ កម្លាំងជំនាញ នៃអធិការដ្ឋាននគរបាលខណ្ឌដូនពេញ ក៏បានធ្វើការ ឃាត់ ខ្លួនជិត១០នាក់។

តាមប្រភពព័ត៌មានពីកន្លែងកើតហេតុបានឱ្យដឹងថា ដំបូងមានយុវជន មួយក្រុមមានគ្នាបួននាក់ជិះម៉ូតូពីរ គ្រឿងចេញពីម្តុំមន្ទីរពេទ្យលោក សង្ឃ ឆ្ពោះ អង់តែនទួលគោក។ ខណៈពេលជិះមកដល់ស្រាប់តែមាន យុវជនមួយក្រុមទៀត ជាក្រុមមាន គ្នាប្រាំពីរទៅប្រាំបី នាក់ជិះម៉ូតូ ជាច្រើន គ្រឿងបានជិះមកក្បែររួចក៏យកជើងធាក់ទៅលើម៉ូតូក្រុមយុវជនមានគ្នាបួននាក់ (ដោយមិនដឹងថា យុវជនពីរក្រុមនេះមានជម្លោះអ្វី នឹងគ្នា នោះទេ )។

ភ្លាមៗនោះដែរក៏កើតជាជម្លោះដេញវាយគ្នាពេញ ផ្លូវរហូត ទៅដល់ក្នុងបរិវេណ ក្នុងបឹងកក់ក្បែរ ផ្លូវរថភ្លើង ។ ភាគីទាំងសង ខាង ខ្លះមានដុំថ្ម ខ្លះទៀតមានទាំងខ្សែក្រវាត់បានវាយប្រតាយ ប្រតប់និង គប់គ្នាយ៉ាងអានាធិបតេយ្យ។ ស្របពេលនោះក៏មានកម្លាំងល្បា តរបស់ សមត្ថកិច្ចមូលដ្ឋានខណ្ឌដូនពេញ បានឃាត់ខ្លួនក្មេងទំនើងទាំងពីរ ក្រុមនោះរួមទាំងវត្ថុតាងភ្លាមៗផងដែរ ។

បច្ចុប្បន្ន សមត្ថកិច្ចជំនាញកំពុងចាត់ការតាមនីតិវិធី ៕ដោយ ៖ ជីម ភារ៉ា