ភ្នំពេញ៖ អ្នកនាំពាក្យអាកាសចរស៊ីវិលបានប្រាប់ឱ្យដឹងថា រយៈពេលប្រាំបីខែកន្លងទៅនេះអ្នកដំណើរតាមផ្លូវអាកាសចំនួនជាងបីលាននាក់កើនឡើងជាង១៨០ភាគរយបើធៀបទៅនឹងរយៈពេលដូចគ្នានៅឆ្នាំ២០២២ ។

ឯកឧត្តម ស៊ីន ចាន់សិរីវុត្ថា អនុរដ្ឋលេខាធិការ និងជាអ្នកនាំពាក្យអាកាសចរស៊ីវិលបានប្រាប់ឱ្យដឹងនៅថ្ងៃទី១២ ខែកញ្ញា ឆ្នាំ២០២៣ថា ​រយៈពេលប្រាំបីខែឆ្នាំ២០២៣នេះ កម្ពុជាទទួលបានអ្នកដំណើរតាមផ្លូវអាកាសចំនួនជាង  ៣,​៤លាននាក់  កើនឡើងជាង១៨០ភាគរយ បើធៀបទៅនឹងរយៈពេលដូចគ្នា នៅឆ្នាំ២០២២ ។

រីឯជើងហោះហើរមានចំនួន ៣៣,១៤៦ជើង  (ចលនាទ្វេទិស) កើនឡើង​១១៤ភាគរយ បើធៀបទៅនឹងរយៈពេលដូចគ្នា នៅឆ្នាំ២០២២ ។ស​ម្រាប់ចំនួនទំនិញវិញ មានចំនួនជាង ៣៤ , ៨៨១ តោន ថយចុះជាង ១០ភាគរយ បើធៀបទៅនឹងរយៈពេលដូចគ្នានៅឆ្នាំ២០២២​៕ដោយ៖វណ្ណ សុជាតា