ញូវយ៉ក៖ មនុស្សរាប់ម៉ឺននាក់បានដើរតាមដងផ្លូវនៃទីក្រុងញូវយ៉ក សហរដ្ឋអាមេរិក កាលពីថ្ងៃអាទិត្យ ដោយអំពាវនាវឱ្យបង្កើនសកម្មភាពប្រឆាំងនឹងការប្រែប្រួលអាកាសធាតុ មុនពេលបើកមហាសន្និបាតអង្គការសហប្រជាជាតិ។

ដោយជ្រើសរើសយកប្លុកជាច្រើន នៅក្នុងទីក្រុងញូវយ៉ក ដើម្បីធ្វើការតវ៉ានោះ ក្រុមអ្នកសកម្មជនមកពីអង្គការ និងសកម្មជនផ្សេងៗទៀត ប្រហែល ៧០០ នាក់បានកាន់ផ្លាកសញ្ញាដែលសរសេរថា «Biden បញ្ចប់ឥន្ធនៈហ្វូស៊ីល» «ឥន្ធនៈហ្វូស៊ីលកំពុងសម្លាប់ពួកយើង» និងពាក្យស្លោកផ្សេងទៀត ដូចជា «ខ្ញុំមិនបានបោះឆ្នោត ឱ្យភ្លើង និងទឹកជំនន់ទេ» ។

ស្បែកជើងនៃរដូវក្តៅដែលត្រូវបានសម្គាល់ដោយគ្រោះមហន្តរាយ ដែលទាក់ទងនឹងការប្រែប្រួលអាកាសធាតុជាច្រើន ត្រូវបានយកបង្ហាញផងដែរ

ប្រធានាធិបតីអាមេរិក លោក Joe Biden ស្ថិតក្នុងចំណោមមេដឹកនាំពិភពលោក ដែលគ្រោងនឹងចូលរួមមហាសន្និបាតអង្គការសហប្រជាជាតិ (UNGA) ដែលគ្រោងនឹងបើកជាផ្លូវការ នៅថ្ងៃអង្គារ សប្តាហ៍នេះ។

លោកស្រី Analilia Mejia នាយកក្រុមសកម្មជនមជ្ឈមណ្ឌល ដើម្បីប្រជាធិបតេយ្យពេញនិយម ( Center for Popular Democracy) បាននិយាយថា «យើងនៅទីនេះដើម្បីទាមទារឱ្យរដ្ឋបាល ប្រកាសអាសន្នអាកាសធាតុ» ។

លោកស្រី Analilia Mejia បានប្រាប់ AFP ថា៖ «យើងត្រូវតែក្រោកឡើង ហើយចាត់វិធានការជាបន្ទាន់»៕

ប្រភពពី AFP ប្រែសម្រួល៖ សារ៉ាត