ថ្ងៃទី២៩ធ្នូឆ្នាំ២០២៣ខាងមុខនេះ គឺជាខួប២៥ឆ្នាំ នៃការបញ្ចប់សង្គ្រាមស៊ីវិលក្នុងប្រទេសកម្ពុជា តាមរយៈយុទ្ធសាស្ត្រឌីហ្វីដ នៃនយោបាយឈ្នះឈ្នះរបស់សម្តេចតេជោ ហ៊ុន សែន។ កាលពីម្សិលមិញ ខ្សែវីដេអូជាប្រវត្តិសាស្ត្ររបស់យើង បានបង្ហាញនូវព្រឹត្តិការណ៍រដ្ឋប្រហារ១៨មីនាឆ្នាំ១៩៧០ ដែលជាដើមចមនាំឱ្យប្រទេសបានធ្លាក់ចូលក្នុងភ្នក់ភ្លើងសង្គ្រាម និងបន្តធ្លាក់ចូលក្នុងរបបកាប់សម្លាប់ខ្មែរក្រហមប៉ុលពត។ អំពើកាប់សម្លាប់របស់របបដឹកនាំខ្មែរក្រហម បាននាំឱ្យមនុស្សរត់ចូលក្នុងព្រៃធ្វើការតស៊ូជាបន្តថែមទៀត។ ចលនាតស៊ូបានបង្កើតរណសិរ្សសាមគ្តីសង្គ្រោះជាតិ និងបានសហការជាមួយកងទ័ពស្ម័គ្រចិត្តវៀតណាម វាយរំដោះប្រទេស និងទទួលជ័យជំនះនៅថ្ងៃទី៧ មករា ឆ្នាំ១៩៧៩។ ប៉ុន្តែកម្ពុជានៅតែមិនទាន់បានទទួលសន្តិភាពពិតប្រាកដ ដោយសារតែសហគមន៍អន្តរជាតិ បានបន្តកាន់ជើងរបបដឹកនាំខ្មែរក្រហម នៅអង្គការសហប្រជាជាតិ។ ទូរទស្សនិកជន នេះជាប្រវត្តិពាក់ព័ន្ធការស្វែងរកសន្តិភាពដោយលំបាករបស់កម្ពុជា ដើម្បីពន្លត់ភ្លើងសង្គ្រាមស៊ីវិលក្នុងប្រទេស តាមរយៈឯកសារចងក្រងរបស់លោក ម៉ារ យ៉ារិទ្ធិ នៃសៀវភៅយុទ្ធសាស្ត្រ DIFID តេជោសែន