ភ្នំពេញ៖យុទ្ធនាការមួយមានឈ្មោះថា Mekong ProtecTOUR ត្រូវបាន រៀបចំឡើងដើម្បីជួយពង្រឹងដល់មគ្គុទ្ទេសក៍ទេសចរណ៍ និងប្រតិបត្តិករទេសចរណ៍នានា ក្នុងនាមជាអ្នកមានស្នាដៃឆ្នើមក្នុង វិស័យទេសចរណ៍ប្រកបដោយនិរន្តរភាព និងដំណើរទេសចរសត្វព្រៃ។

ការរៀបចំយុទ្ធនាការនេះបានធ្វើឡើងនៅ ថ្ងៃទី០៦ ខែធ្នូ ឆ្នាំ២០២៣ នៅអគារociceនៃមជ្ឈមណ្ឌលពាណិជ្ជកម្មកោះពេជ្រ។អង្គការ World Wide Fund for Nature (WWF) រួមសហការជាមួយ Destination Mekong បានធ្វើការបង្ហាញ និងបើកដំណើរការនូវ យុទ្ធនាការ Mekong ProtecTOUR ។

អង្គការ WWF បានឱ្យដឹងថា ចំនួនសត្វដំរីនៅអាស៊ី ជាពិសេស អាស៊ីអាគ្នេយ៍ និងចិនកំពុងធ្លាក់ចុះគួរអោយកត់សម្គាល់។ ដំរីព្រៃ នៅអាស៊ីក្នុងប្រទេសចំនួន៨ប្រទេសសរុបរួមមានត្រឹមតែ ៨,០០០ ទៅ ១១,០០០ក្បាលតែប៉ុណ្ណោះ ដែលប្រទេសអាសុីទាំងនោះ គឺប្រទេស កម្ពុជា ចិនភាគខាងត្បូង ឥណ្ឌូនេស៊ី ឡាវ ម៉ាឡេស៊ី មីយ៉ាន់ម៉ា ថៃ និងវៀតណាម ។ បើទោះជាមានការហាមឃាត់លើការធ្វើពាណិជ្ជកម្មជាអន្តរជាតិលើភ្លុកដំរីក៏ដោយ ក៏ភ្លុកដំរីដែលលក់នៅអាស៊ីភាគច្រើននៅតែបានមកពី ដំរីអាហ្រ្វិកដដែល។

អង្គការ WWF Greater Mekong បានប្តេជ្ញាចិត្តក្នុងកិច្ចការពារដំរី និងប្រភេទសត្វដែលជិតផុតពូជដទៃទៀត។ ដោយរួមបញ្ចូលទាំងការ ដោះស្រាយបញ្ហាស្នូលនៃការគម្រាមកំហែងមួយចំនួនដែលពួកគេប្រឈមមុខ ពោលគឺការទប់ស្កាត់តម្រូវការផលិតផលពីសត្វ ព្រៃក្នុង ចំណោមក្រុមអ្នកប្រើប្រាស់ធំៗ ដូចជាភ្ញៀវទេសចរណ៍ជាដើម។

លោកស្រី Mia Signs ជាអ្នកគ្រប់គ្រងផ្នែកផ្សព្វផ្សាយ និងតស៊ូ មតិលើ ពាណិជ្ជកម្មសត្វព្រៃខុសច្បាប់នៅ WWF Greater Mekong បាន បញ្ជាក់ថា៖ “យើងមានកិត្តិយសយ៉ាងក្រៃលែង ក្នុងការចាប់ដៃគូ សហការជាមួយ Destination Mekong ។ក្នុងនាមយើងជាដៃ គូ ក្នុងវិស័យទេសចរណ៍ក្នុងគំនិតផ្តួចផ្តើមនេះ ដោយស្របទៅតាមចក្ខុ វិស័យរួមរបស់យើងក្នុងការលើកកម្ពស់ទេសចរណ៍ដែលប្រកបដោយនិរន្តរភាព។ យើងជឿជាក់ថាមគ្គុទ្ទេសក៍ទេសចរណ៍ និងប្រតិបត្តិករ ទេសចរណ៍ ទាំងនោះអាចជាអ្នកថែរក្សាសត្វព្រៃ និងបរិស្ថានជាតិ របស់ពួកគេ ហើយពួកគេជាខ្សែការពារដំបូងបង្អស់ក្នុងការប្រឆាំង នឹងការជួញដូរសត្វព្រៃខុសច្បាប់។ ”

លោកស្រី បានបន្ថែមថា៖ “មគ្គុទេ្ទសក៍អាចដើរតួរនាទីយ៉ាង សំខាន់ក្នុង ការជួយពន្យល់ដល់ផលវិបាកនៃការជួញដូរភ្លុកដំរីដែលនឹងប៉ះពាល់ដល់ចំនួនដំរី និង បរិស្ថាន ដែលបានធ្វើឱ្យភ្ញៀវទាំងអស់មាន សុុវត្ថិភាព និងអាចការពារឱ្យជៀសផុតពីការចូលរួមចំណែកក្នុងការជួញដូរសត្វព្រៃខុសច្បាប់”។

លោកស្រី Catherine Germier-Hamel, នាយកប្រតិបត្តិរបស់ Destination Mekongលើកឡើងថា ៖ “Mekong ProtecTOUR គឺ ជាឱកាសសម្រាប់ផ្សារភ្ជាប់ទំនាក់ទំនងមគ្គុទ្ទេសក៍និងប្រតិបត្តិករទេសចរណ៍នានាដែលបានចូលរួមក្នុងការលើកកម្ពស់នឹងប្រូម៉ូតសម្បត្តិវប្បធម៍បុរាណតំបន់ទេសចរណ៍នានានិង ធនធានធម្មជាតិនានា ”។

លោកស្រីបានបញ្ជាក់បន្ថែមថា ៖ “ការចែករំលែកនូវបទពិសោធន៍ ដំណោះស្រាយជាក់លាក់ពីសហគមន៍ និង ការចែករំលែកសាច់ រឿង ផ្ទាល់ខ្លួនដែលមានភាពទាក់ទាញ ។យើងមានគោលបំណងក្នុង ការ ពង្រឹងសមត្ថភាពអ្នកអាជីបក្នុងវិស័យនេះ ធុរកិច្ចនិងអង្គការនានា មន្រ្តីរាជរដ្ឋាភិបាល ដើម្បីធ្វើការកែប្រែទេសចរណ៍អោយក្លាយជា សរសរស្តម្ថ ដោយឈរលើនិរន្តភាពនិងការអភិរក្សនិង ការពារសត្វព្រៃ” ៕
អត្ថបទ៖លោក ម៉ាដេប៉ូ ,រូបភាព៖លោក គ្រី សម្បត្តិ