ព្រះសីហនុ៖ សម្តេចធិបតី ហ៊ុន ម៉ាណែត មានប្រសាសន៍ថា ឆ្នាំនេះ មាន លក្ខណៈពិសេសពីរនៃទំនាក់ទំនងកម្ពុជា-ជប៉ុន ។

សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណា ចក្រកម្ពុជា បានថ្លែងដូច្នេះនាព្រឹកថ្ងៃទី២២ ខែធ្នូ ឆ្នាំ២០២៣ក្នុងពិធី បើកការដ្ឋានសាងសង់ចំណតផែ កុងតឺន័រទឹកជ្រៅថ្មីជំហានទី១ ប្រវែង ៣៥០ម៉ែត្រនិងសម្ពោធបើកឱ្យ ប្រើប្រាស់ជាផ្លូវការគ្រឿងចក្រលើក ដាក់ចល័តនៅគែមផែចំនួនពីរគ្រឿងក្រោមឥណទានសម្បទាននិងជំនួយឥតសំណង ពីរដ្ឋាភិបាលជប៉ុន ។

សម្តេចធិបតី ហ៊ុន ម៉ាណែត មានប្រសាសន៍ថា ឆ្នាំនេះជាឆ្នាំពិសេស នៃខួបទំនាក់ទំនងកម្ពុជា-ជប៉ុន ខួបទី ៧០ ។ ក្នុងនោះទី១ គឺខួបលើកទី៧០ឆ្នាំ នៃទំនាក់ទំនងការទូតកម្ពុជា-ជប៉ុន និងទី២ គឺការលើកកម្រិតទំនាក់ទំនងរវាងកម្ពុជា-ជប៉ុន លើគ្រប់វិស័យ ៕

ដោយ៖វណ្ណលុក