ភ្នំពេញ៖ឆ្កែព្រៃ (Dhole) គឺជាប្រភេទសត្វដែលមាន រូបរាង មើលទៅស្រដៀងនឹងសត្វកញ្ជ្រោង។ ពួកវា អាចរត់បានយ៉ាងលឿន ។អាចហែលទឹកបាន និងអាច លោត ផ្លោះបានទៀតផង ដែលជាជំនាញដ៏សំខាន់ សម្រាប់ការប្រមាញ់ចាប់សត្វដទៃមកធ្វើជាអាហាររបស់ពួកវា។

ឆ្កែព្រៃ មាន ពណ៌ខុស ៗគ្នា ទៅតាមតំបន់ដែល វា រស់នៅ ដូចជា ពណ៌ ប្រផេះ ពណ៌ក្រហមចាស់ និង ពណ៌ ត្នោត ស្រាល។ ពួកវាជាប្រភេទសត្វរស់នៅជាហ្វូង ធ្វើការប្រមាញ់រួមគ្នា និងចែករំលែកចំណីជាមួយគ្នា។

ឥឡូវនេះ ឆ្កែព្រៃត្រូវបានចុះក្នុងបញ្ជីជាប្រភេទសត្វ ជិត ផុតពូជ ដោយសារការបាត់បង់ទីជម្រក ការបែកហ្វូង ជំងឺ និងបញ្ហាទំនាស់រវាងមនុស្ស និងសត្វព្រៃ។

USAID មរតកបៃតង កំពុងធ្វើការជាមួយដៃគូរ បស់ ខ្លួនគឺ អង្គការអភិរក្សអន្តរជាតិ ក្នុងការដាក់ពង្រាយ កាមេរ៉ាស្វ័យប្រវត្តិនៅក្នុងតំបន់ការពារធម្មជាតិ ដើម្បី កត់ត្រាប្រភេទសត្វព្រៃសំខាន់ៗដូចជា សត្វឆ្កែព្រៃ នេះជាដើម។

ដំណឹងដ៏អស្ចារ្យនោះគឺ កាមេរ៉ាស្វ័យប្រវត្តិដែល បាន ដាក់ពង្រាយសាកល្បងលើកទីមួយចំនួន ៩២ ត្រូវ បានយកមកវាយតម្លៃ ហើយបានប្រទះឃើញ សត្វឆ្កែព្រៃ ដល់ទៅចំនួន ៣៩ ដង នៅក្នុងតំបន់។

ព័ត៌មានដែលទទួលបានពីកាមេរ៉ាស្វ័យប្រវត្តិ អាច ជួយ ឱ្យយើងអាចត្រួតពិនិត្យពីសុខភាពនៃប្រព័ន្ធអេកូឡូស៊ី ក៏ដូចជាអនុញ្ញាតឱ្យយើងអនុវត្តវិធីសាស្រ្តក្នុងការអភិរក្សឱ្យកាន់តែមានប្រសិទ្ធភាពផងដែរ៕
ដោយ៖ម៉ាដេប៉ូ