(ភ្នំពេញ)៖វិទ្យាស្ថានតេជោសែន សាធារណការ និងដឹកជញ្ជូន នឹងរៀបចំសិក្ខា សាលាអនឡាញស្តីពី «ជំនាញសិក្សា និងទីផ្សារការងាររបស់និស្សិតនៃវិទ្យាស្ថាន តេជោសែន សាធារណការ និងដឹកជញ្ជូន» ក្នុងគោលបំណងដើម្បីឱ្យនិស្សិតស្វែង យល់បន្ថែមអំពីជំនាញសិក្សា និងឱកាសការងារ ក្រោយពីបញ្ចប់ការសិក្សា នៅវិទ្យាស្ថានតេជោសែន សាធារណការ និងដឹកជញ្ជូន។

សិក្ខាសាលាតាមអនឡាញនេះ និងធ្វើឡើងនៅថ្ងៃអង្គារ ទី១៦ ខែមករា ឆ្នាំ២០២៤ ចាប់ពីម៉ោង ០៩:០០នាទី ដល់ម៉ោង ១១:០០នាទីព្រឹក ដោយនិងធ្វើការឡាយផ្ទាល់ នៅលើទំព័រហ្វេសប៊ុកផ្លូវការរបស់វិទ្យាស្ថានតេជោសែន សាធារណការ និងដឹកជញ្ជូន។

បញ្ជាក់ផងដែរថា វិទ្យាស្ថានទទួលពាក្យនិស្សិតប្រឡងជ្រើសរើសនិស្សិតជំនាន់ទី៤ រហូតដល់ថ្ងៃទី៣១ ខែមករា ឆ្នាំ២០២៤។ លក្ខណ្ឌដាក់ពាក្យ បំពេញពាក្យប្រឡងជ្រើសរើសនិស្សិតជំនាន់ទី៤ និងមកដាក់ពាក្យនៅការិយាល័យសិក្សានៃវិទ្យាស្ថានផ្ទាល់ ដោយតម្រូវមានឯកសារភ្ជាប់៖ រូបថត 4 x 6 (ពាក់អាវសឬអាវធំមានក្រវ៉ាត់ក ផ្ទៃខាងក្រោយពណ៍ខៀវ) សញ្ញាបត្រមធ្យមសិក្សាទុតិយភូមិ, សញ្ញាបត្របណ្តោះអាសន្ន ឬលទ្ធផលផ្លូវការប្រកាសដោយក្រសួងអប់រំ យុវជន និងកីឡា ទីតាំងវិទ្យាស្ថាន ផ្លូវ៥៩៨ សង្កាត់ច្រាំងចំរេះ២ ខណ្ឌឬស្សីកែវ រាជធានីភ្នំពេញ នៅជាប់នៅអគារទីស្តីក្រសួងសាធារណការ និងដឹកជញ្ជូន ៕
សូមជូន ផែនទី https://maps.app.goo.gl

ដោយ ង៉ាន់ ទិត្យ