ថ្នាក់ដឹកនាំក្រសួងរៀបចំដែនដី ជំរុញការកសាងពូនជ្រុំរដ្ឋបាលទំនើប សម្បូរដោយ មូល ធនមនុស្ស ដើម្បីបម្រើឧត្តមប្រយោជន៍ជាតិ និងប្រជាជន
(ភ្នំពេញ)៖ ឯកឧត្តមឧបនាយករដ្ឋមន្ត្រី សាយ សំអាល់ រដ្ឋមន្ត្រីក្រសួងរៀបចំដែនដី នគរូបនីយកម្ម និងសំណង់ បញ្ជាក់អំពីគោលនយោបាយដឹកនាំ ដោយសង្តត់ធ្ងន់លើការកសាងពូនជ្រុំរដ្ឋបាលទំនើប រឹងមាំ មានមូលធនមនុស្សប្រកបដោយវិជ្ជាជីវៈ បម្រើឧត្តមប្រយោជន៍ជាតិ និងប្រជាជន។
![](https://asset.ams.com.kh/central/media/2024/02/photo_2024-02-03_12-51-28-1024x682.jpg)
ឯកឧត្តមឧបនាយករដ្ឋមន្ត្រី ថ្លែងក្នុងវគ្គផ្ដាច់ព្រ័ត្រកម្មវិធីពានរង្វាន់ស្ថាបត្យករ វ័យក្មេង កម្ពុជា ឆ្នាំ២០២៣ ក្រោមប្រធានបទ”ទីក្រុងនៃក្តីស្រមៃនាពេលអនាគត” ក្រុង អរិយក្ស ត្រ នារសៀល ថ្ងៃទី ២ ខែកុម្ភៈ ឆ្នាំ២០២៤។
![](https://asset.ams.com.kh/central/media/2024/02/photo_2024-02-03_12-51-33-1024x682.jpg)
ឯកឧត្តម អបអរសាទរចំពោះជោគជ័យរបស់ស្ថាបត្យករវ័យក្មេងកម្ពុជាទាំងអស់ ដែល បាន ចូលរួមក្នុងកម្មវិធីពានរង្វាន់ស្ថាបត្យករវ័យក្មេងកម្ពុជាឆ្នាំ២០២៣ និងស្នើឱ្យបន្ត ការរៀប ចំកម្មវិធីនេះជាបន្តបន្ទាប់ ដោយពង្រីកប្រធានបទនៃកម្មវិធីនេះបន្ថែមទៀត។ការកសាងធនធានខួរក្បាល ជាពិសេសក្នុងវិស័យស្ថាបត្យកម្ម គឺជាកិច្ចការមួយ ដែល មានគុណតម្លៃដ៏ធំធេង និងជាការវិនិយោគសម្រាប់អនាគតទាំងអស់គ្នា។
![](https://asset.ams.com.kh/central/media/2024/02/photo_2024-02-03_12-51-34-682x1024.jpg)
ឯកឧត្តម សាយ សំអាល់ ចង់ឃើញប្រជាជនខ្មែរគ្រប់ៗរូបមានទ្រនំសុភមង្គល មាន ម្ហូប លើតុ មានសុខភាពល្អ ហើយមានលទ្ធភាពបញ្ជូនកូនទៅសាលារៀន ដែលរួម ចំណែកក្នុងការកសាងមូលធនមនុស្សនៅកម្ពុជាឱ្យកាន់តែរឹងមាំ ដែល នេះជា បុរេ លក្ខ ខណ្ឌក្នុងការធានានិរន្តរភាពនៃសន្តិភាព និងភាពសម្បូរសប្បាយរុងរឿងនៃជាតិ និង ប្រជាជនកម្ពុជា។
![](https://asset.ams.com.kh/central/media/2024/02/photo_2024-02-03_12-51-36-1024x682.jpg)
ឯកឧត្តមបានបន្ថែមថា បច្ចុប្បន្ន យើងសង្កេតឃើញស្ថាបត្យកម្ម ខ្មែរមានការរីក ចម្រើន ដោយក្នុងនោះនៅតាមអគាររដ្ឋនានាដូចជា វិមានសន្តិភាព អគារក្រសួង រៀបចំដែនដី នគរូបនីយកម្ម និងសំណង់ អគារក្រសួងមហាផ្ទៃ អគ្គបញ្ជាការ កងទ័ព ជើងគោក គឺសុទ្ធសឹងតែមានរចនាបទស្ថាបត្យកម្មខ្មែរ ហើយនេះគឺជាមោទនភាព មួយ របស់យើងទាំងអស់គ្នា ដែលបានដើរលើមាគ៌ាមួយដ៏ត្រឹមត្រូវ ហើយនាពេល អនាគត កម្ពុជានឹងមានអគារល្អស្អាត ប្រកបដោយផាសុកភាព និងបម្រើដល់ ឧត្តមប្រយោជន៍សេដ្ឋកិច្ច សង្គម និង វប្បធម៌របស់កម្ពុជា ៕
ដោយ / គ្រី សម្បត្តិ
![](https://asset.ams.com.kh/central/media/2024/02/photo_2024-02-03_12-51-41-1024x682.jpg)
![](https://asset.ams.com.kh/central/media/2024/02/photo_2024-02-03_12-51-38-1024x682.jpg)