ភ្នំពេញ៖ “រួមគ្នាជាមួយកាកបាទក្រហមកម្ពុជា សហគមន៍មានសុខភាពល្អ និងមានភាពធន់នឹងអាកាសធាតុ” គឺជាប្រធានសំខាន់ក្នុង
ទិវាពិភពលោកកាកបាទក្រហម និងអឌ្ឍចន្ទក្រហម ៨ ឧសភា ២០២៤ ។នេះបើយោងតាមសេចក្តីប្រកាសព័ត៌មានរបស់កាកបាទ​ក្រហមកម្ពុជា។

សេចក្តីប្រកាសព័ត៌មានមានរំលេចថា កាកបាទក្រហមកម្ពុជា ជាដែលមានសម្តេចព្រះមហាក្សត្រី នរោត្តម មុនិនាថ សីហនុ ព្រះ​វររាជមាតាជាតិខ្មែរ ជាព្រះប្រធានកិត្តិយស និងសម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ជាប្រធាន មានកិត្តិយសសូមជម្រាប​ជូន សម្តេច ឯកឧត្តម លោកជំទាវ អ្នកឧកញ៉ា ឧកញ៉ា លោក លោកស្រី អ្នកនាង កញ្ញា និងបងប្អូនជនរួមជាតិ មេត្តាជ្រាបថា ការប្រារព្ធ​ខួប ១៦១ ទិវាពិភពលោកកាកបាទក្រហមនិងអឌ្ឍចន្ទក្រហម (ទិវា ៨ឧសភា) ឆ្នាំ២០២៤នេះ នឹងប្រារព្ធឡើង ក្រោម​ប្រធានបទ “រួមគ្នាជាមួយកាកបាទក្រហមកម្ពុជា ដើម្បីសហគមន៍មានសុខភាពល្អ និងមានភាពធន់នឹងអាកាសធាតុ”។

ប្រភពដដែលបន្តថា ទិវា ៨ឧសភានេះ មានគោលបំណងរំលឹកដល់ខួបនៃការបង្កើតចលនាអន្តរជាតិកាកបាទក្រហម និង​អឌ្ឍចន្ទក្រហម និងជាឱកាស បង្ហាញពីបេសកកម្មមនុស្សធម៌របស់កាកបាទក្រហមកម្ពុជា ជូនសាធារណជនជាតិ និង​អន្តរជាតិ។ តាមរយៈការប្តេជ្ញាចិត្តខ្ពស់ជាតិ រួមជាមួយរាជរដ្ឋាភិបាលនីតិកាលទី៧ នៃរដ្ឋសភា ក្នុងការកាត់បន្ថយភាពក្រីក្រ ការលើក​កម្ពស់វិស័យ របស់សមាគមជាតិ វាធារណៈ និងការពង្រឹងភាពធន់របស់សហគមន៍ទៅនឹងការប្រែប្រួលអាកាសធាតុ កាកបាទក្រហម​កម្ពុជា​ត្រូវការចាំបាច់ សុខភាពសាធារណៈឧបត្ថម្ភគាំទ្រពីសប្បុរសជនគ្រប់មជ្ឈដ្ឋាន ដើម្បីធានាបន្តនិរន្តរភាពការងាររបស់ខ្លួន។

អាស្រ័យហេតុនេះ កាកបាទក្រហមកម្ពុជាសូមអំពាវនាវចំពោះ សម្តេច ឯកឧត្តម លោកជំទាវ អ្នកឧកញ៉ា ឧកញ៉ា លោក លោកស្រី អ្នកនាងកញ្ញា សូមបន្តចូលរួមបរិច្ចាគថវិកា សម្ភារៈ ជូនកាកបាទក្រហមកម្ពុជា ដើម្បីឱ្យសមាគមជាតិមានធនធាន និងលទ្ធភាពគ្រប់គ្រាន់ ក្នុងការបន្តផ្តល់សេវាកម្មមនុស្សធម៌ជួយដល់ជនរងគ្រោះ និងជនងាយរងគ្រោះបំផុត ប្រកបដោយបរិយាប័ន្ន។ ទន្ទឹមនឹងនេះ កាកបាទក្រហមកម្ពុជា មានសង្ឃឹមយ៉ាងមុតមាំថា សប្បុរសជនគ្រប់មជ្ឈដ្ឋាន នឹងជួយឧបត្ថម្ភគាំទ្រដល់កាកបាទ ក្រហមកម្ពុជា ដោយសទ្ធាជ្រះថ្លា និងតាមការស្ម័គ្រចិត្តពុំខានឡើយ។

កាកបាទក្រហមកម្ពុជា មានក្រុមប្រចាំការទទួលបដិសណ្ឋារកិច្ច និងរៀបចំកម្មវិធីប្រគល់-ទទួលថវិកា សម្ភារៈ ពីសប្បុរសជន គ្រប់មជ្ឈដ្ឋាន រៀងរាល់ម៉ោងធ្វើការចាប់ពីថ្ងៃជូនដំណឹងនេះ នៅទីស្នាក់ការកណ្តាលកាកបាទក្រហមកម្ពុជា។ ចំពោះការបរិច្ចាគ តាមរយៈគណនីធនាគាររបស់កាកបាទក្រហមកម្ពុជា នឹងមានជម្រើសដូចខាងក្រោម៖
១.ធនាគារពាណិជ្ជកម្មក្រៅប្រទេសនៃកម្ពុជា (FTB)៖
អ្នកទទួលផល: កាកបាទក្រហមកម្ពុជា
គណនីឈ្មោះ: CRC Internal Funds Raised
គណនីប្រាក់រៀល 100004348127
គណនីប្រាក់ដុល្លារអាម៉េរិក : 300001709996
២.ធនាគារវឌ្ឍនៈអាស៊ីចំកាត់ (ABA)៖
អ្នកទទួលផល: កាកបាទក្រហមកម្ពុជា
គណនីឈ្មោះ: CAMBODIAN RED CROSS
គណនីប្រាក់រៀល : 777 766 168
គណនីប្រាក់ដុល្លារអាម៉េរិក : 777 788 168

សូមជូនសេចក្តីប្រកាសព័ត៌មានទាំងស្រុង៖