សង្គ្រាមរវាងរុស្ស៊ី និងអ៊ុយក្រែន កំពុងស្ថិតក្នុងសភាពលង់កាន់តែជ្រៅ។ ខណៈអ៊ុយក្រែនកាន់តែប្រើប្រាស់អាវុធជំនួយ ពីបស្ចឹមប្រទេស វាយប្រហារដាក់លើគោលដៅក្នុងទឹកដីរុស្ស៊ី, រដ្ឋាភិបាលវិមានក្រឹមឡាំង បានបង្ហាញការត្រៀមលក្ខណៈប្រុងប្រៀបអាវុធនុយក្លេអ៊ែ័រតាក់ទិកផងដែរ។ សហរដ្ឋអាមេរិក និងប្រទេសសម្ព័ន្ធមិត្ត ក្នុងសប្តាហ៍នេះ កាន់តែបង្កើនសម្ពាធដាក់មកលើរុស្ស៊ី តាមរយៈដាក់ចេញនូវយុទ្ធសាស្ត្រយូរអង្វែងមួយ ដែលជួយអ៊ុយក្រែន ធ្វើសង្គ្រាមបន្តជាច្រើនឆ្នាំ ដោយមិនបារម្ភលើការខ្វះខាតគ្រឿងសព្វាវុធ និងគ្រាប់រំសេវឡើយ។ លោក ម៉ារ យ៉ារិទ្ធិ រាយការណ៍