(ភ្នំពេញ)៖ ជួបគ្នានៅថ្ងៃទី២២ ខែមិថុនា ឆ្នាំ២០២៤ ក្នុងព្រឹត្តិការណ៍ប្រគំតន្ត្រីដ៏អស្ចារ្យ ដើម្បីអបអរសាទរ «ទិវាអន្តរជាតិប្រយុទ្ធប្រឆាំងគ្រឿងញៀន» ដែលរៀបចំដោយអាជ្ញាធរជាតិប្រយុទ្ធប្រឆាំងគ្រឿងញៀន សហការជាមួយក្រសួងប្រៃសណីយ៍និងទូរគមនាគមន៍ ក្រសួងព័ត៌មាន និងរដ្ឋបាលរាជធានីភ្នំពេញ ដោយមានការចូលរួមសម្តែងពីកំពូលតារាចម្រៀងប្រុស-ស្រី ពិធីករ-ពិធីការិនី និង Dj ល្បីៗ ប្រចាំព្រះរាជាណាចក្រកម្ពុជា ។

ក្រៅពីការប្រគំតន្រ្តីដ៏អស្ចារ្យ បងប្អូនអាចចូលរួមទស្សនាស្តង់ពិព័រណ៍ និងកម្មវិធីល្បងប្រាជ្ញាផ្សេងៗ ដើម្បីទទួលបានរង្វាន់អនុស្សាវរីយជាច្រើនផងដែរ។ កុំភ្លេចចូលរួមទស្សនាដោយសេរីទាំងអស់គ្នា កម្មវិធីនេះធ្វើឡើងចាប់ពី ៦ ល្ងាច ដល់ ៩:៣០ យប់ ទីតាំង៖ នៅមុខសាលមហោស្រពកោះពេជ្រ។

សូមទាញយកកម្មវិធីទូរសព្ទ NoDrugApp: https://go.gov.kh/mptc/nodrugapp របស់អាជ្ញាធរជាតិប្រយុទ្ធប្រឆាំងគ្រឿងញៀន ដើម្បីចូលរួមទស្សនាដោយសេរី និងឥតគិតថ្លៃ ៕

ដោយ ៖ ង៉ាន់ ទិត្យ
ប្រភព ៖ ក្រសួងប្រៃសណីយ៍និងទូរគមនាគមន៍