ព្រះមហាក្សត្រ ចេញព្រះរាជក្រឹត្យផ្លាស់ប្តូរ និងតែងតាំងអភិបាលខេត្ត ចំនួន ៨រូប
(ភ្នំពេញ)៖ ព្រះករុណា ព្រះមហាក្សត្រកម្ពុជា បានចេញព្រះរាជក្រឹត្យផ្ទេរ និងតែងតាំងមុខតំណែងជាអភិបាលខេត្ត ចំនួន ៨រូប ។
ក្នុងព្រះរាជក្រឹត្យរបស់ព្រះករុណា ព្រះមហាក្សត្រកម្ពុជា ដែលបានឡាយព្រះហស្សលេខានៅថ្ងៃទី២៤ ខែមិថុនា ឆ្នាំ២០២៤ បានឲ្យដឹងថា ការផ្ទេរមុខតំណែងអភិបាលខេត្តរួមមាន៖ ១. ឯកឧត្ដម គួច ចំរើន មកជាអភិបាលខេត្តកណ្ដាល, ២. ឯកឧត្ដម វ៊ី សំណាង មកជាអភិបាលខេត្តតាកែវ, ៣. ឯកឧត្ដម ជាម ច័ន្ទសោភ័ណ មកជាអភិបាលខេត្តកំពង់ស្ពឺ និង៤. ឯកឧត្ដម ប៉ែន សុសល្យ មកជាអភិបាលខេត្តត្បូងឃ្មុំ ។
ចំពោះការតែងតាំងមុខតំណែងជាអភិបាលខេត្តថ្មីរួមមាន៖ ៥. ឯកឧត្ដម ម៉ាង ស៊ីណេត ជាអភិបាលខេត្តព្រះសីហនុ, ៦. ឯកឧត្ដម មាន ចាន់យ៉ាដា ជាអភិបាលខេត្តឧត្ដរមានជ័យ, ៧. ឯកឧត្ដម នួន ផារ័ត្ន ជាអភិបាលខេត្តកំពង់ធំ និង ៨. ឯកឧត្ដម សរ សុពុត្រា ជាអភិបាលខេត្តស្ទឹងត្រែង ។
ដោយឡែកឯកឧត្តម ស្វាយ សំអ៊ាង ត្រូវបានត្រាស់បង្គាប់ផ្ទេរពីអភិបាលខេត្តស្ទឹងត្រែង ទៅជារដ្ឋលេខាធិការក្រសួងមហាផ្ទៃ, ឯកឧត្តម អ៊ូច ភា ត្រូវបានត្រាស់បង្គាប់ផ្ទេរពីអភិបាលខេត្តតាកែវ ទៅជារដ្ឋលេខាធិការក្រសួងមហាផ្ទៃ, ឯកឧត្តម គង់ សោភ័ណ ត្រូវបានត្រាស់បង្គាប់ផ្ទេរពីអភិបាលខេត្តកណ្តាល ទៅជារដ្ឋលេខាធិការក្រសួងមហាផ្ទៃ និងឯកឧត្តម ងួន រតនៈ អភិបាលខេត្តកំពង់ធំ ត្រូវបានផ្ទេរទៅជារដ្ឋលេខាធិការក្រសួងមហាផ្ទៃ ៕
ដោយ ៖ វណ្ណលុក
![](https://asset.ams.com.kh/central/media/2024/06/photo_2024-06-24_21-48-15-724x1024.jpg)
![](https://asset.ams.com.kh/central/media/2024/06/photo_2024-06-24_21-48-18-724x1024.jpg)
![](https://asset.ams.com.kh/central/media/2024/06/photo_2024-06-24_21-48-22-724x1024.jpg)
![](https://asset.ams.com.kh/central/media/2024/06/photo_2024-06-24_21-48-26-724x1024.jpg)
![](https://asset.ams.com.kh/central/media/2024/06/photo_2024-06-24_21-48-30-724x1024.jpg)
![](https://asset.ams.com.kh/central/media/2024/06/photo_2024-06-24_21-48-34-724x1024.jpg)
![](https://asset.ams.com.kh/central/media/2024/06/photo_2024-06-24_21-48-37-724x1024.jpg)
![](https://asset.ams.com.kh/central/media/2024/06/photo_2024-06-24_21-48-41-724x1024.jpg)
![](https://asset.ams.com.kh/central/media/2024/06/photo_2024-06-24_21-48-45-724x1024.jpg)
![](https://asset.ams.com.kh/central/media/2024/06/photo_2024-06-24_21-48-49-724x1024.jpg)
![](https://asset.ams.com.kh/central/media/2024/06/photo_2024-06-24_21-48-53-724x1024.jpg)
![](https://asset.ams.com.kh/central/media/2024/06/photo_2024-06-24_21-48-57-724x1024.jpg)