ខេត្តបន្ទាយមានជ័យ៖ កម្លាំងនគបាលចាប់បាន ថ្នាំញៀនជាងបីពាន់​គ្រាប់​ពីជន​សង្ស័យ នៅបន្ទប់ជួលមួយកន្លែង ក្នុងភូមិក្បាលស្ពាន១ សង្កាត់អូរជ្រៅ ក្រុងប៉ោយប៉ែត ។

លោកវរសេនីយ៍ទោ ព្រហ្ម ពិសិដ្ឋ អធិការនគរបាលក្រុងប៉ោយប៉ែត បានឲ្យ​ដឹងកាលពីពេលថ្មីៗនេះថា គ្រឿងញៀនមេតំហ្វេតា​មីន WY ចំនួន ៣៨០០គ្រាប់។ការឃាត់ខ្លួនជនសង្ស័យទាំង៣នាក់នេះបានវេលាម៉ោង៧យប់ ថ្ងៃទី១៦ ខែកក្កដា ឆ្នាំ២០២៤ នៅបន្ទប់ជួលមួយកន្លែង ក្នុងភូមិក្បាលស្ពាន១ សង្កាត់អូរជ្រៅ ក្រុងប៉ោយប៉ែត ។ហើយជនសង្ស័យទាំង៣នាក់មានឈ្មោះ

១.ឈ្មោះ Tananat Kerdnoy ភេទប្រុស អាយុ៤៤ឆ្នាំ ២.ឈ្មោះ Tanakorn Eikeiv ភេទប្រុស អាយុ២២ឆ្នាំ ,៣.ឈ្មោះ Veerapat Trainut អាយុ២៨ឆ្នាំ ស្នាក់ នៅបន្ទប់ជួលមួយកន្លែង ក្នុងភូមិក្បាលស្ពាន១ សង្កាត់​អូរជ្រៅ ក្រុងប៉ោយប៉ែត កម្លាំងនរបាលបានធ្វើការដកហូត វត្ថុតាង​រួមមាន ១ថ្នាំគ្រាប់WY ចំនួន១៩កញ្ចប់ ស្មើ ៣.៨០០គ្រាប់២-ម្សៅម៉ត់ខេ មួយកូន​ថង់,៣-ថ្នាំគ្រាប់ អ៊ិចស្តាស៊ី ២គ្រាប់,៤-ទូរស័ព្ទដៃចំនួន ៣គ្រឿង ។

ក្រោយសួរនាំហើយជនសង្ស័យនិងវត្ថុតាង ត្រូវបាននគរបាលជំនាញ​កសាង​សំណុំរឿងបញ្ជូនមកស្នងការនគរបាលខេត្តបន្ទាយមានជ័យរៀបចំឯកសារដើម្បីបញ្ជូនទៅតុលាការ។ កំលាំងនគបាលប្រឆាំងគ្រឿង​ញៀន​បានឲ្យដឹងថា ដោយបានការអនុញ្ញាតពីលោកឧត្តមសេនីយ៍ទោ សិទ្ធិ ឡោះ មានការ​សម្រប​សម្រួលនីតិវិធីពី លោក សំរឹទ្ធ សុខុន ព្រះរាជអាជ្ញារង អមសាលាដំបូងខេត្ត នៅរសៀលថ្ងៃទី១៨ ខែកក្កដា ឆ្នាំ២០២៤ កម្លាំងនគរបាលផែនប្រឆាំង​គ្រឿងញៀន បានបញ្ជូនជនសង្ស័យជាជនជាតិថៃចំនួន ៣ នាក់ទៅតុលាការ​ខេត្តបន្ទាយមានជ័យ ដើម្បីអនុត្តទៅតាមនីតិវិធីច្បាប់៕

ដោយ ៖ គៀន ច័ន្ទហ៊ីន