ផ្ទះប្រជាពលរដ្ឋ២០ខ្នង និងស្រូវពង្រោះជិត៥០ហិកតា ត្រូវបានទឹកភ្លៀងជន់លិចនៅ ស្រុកគងពិសី ក្នុងខេត្តកំពង់ស្ពឺ។

លោកអភិបាលខេត្ត ជាម ចន្ទ័សោភ័ណ បានដឹកនាំមន្ត្រីជំនាញចុះពិនិត្យស្ថានភាពផ្ទាល់ និងបានណែនាំឱ្យមន្ទីរជំនាញឱ្យពន្លឿនការបើកមុខទឹកឱ្យបានធំដើម្បីសម្រួលលំហូចរន្តទឹក។

លោក ជាម ចន្ទ័សោភ័ណ បានថ្លែងថានៅភូមិព្រៃនូក ឃុំស្នំក្រពើ ជំនន់ទឹកភ្លៀងបានលិចស្រែ និងស្រូវ, លិចលំនៅដ្ឋាន និងកំពុងគម្រាមកំហែងផ្លូវលំមួយចំនួនទៅក្នុងភូមិមួយចំនួន។

លោកអភិបាលខេត្តបានក្រើនរំលឹក ដល់ពលរដ្ឋបង្កើនការប្រុងប្រយ័ត្នខ្ពស់ចំពោះទឹកជំនន់នេះ។