សម្តេចធិបតី ហ៊ុន ម៉ាណែត និងលោកជំទាវបណ្ឌិត ឧបត្ថម្ភរាល់ការចំណាយ ព្យាបាលវះកាត់ជំងឺរលាកខ្នែងពោះវៀនធ្ងន់ធ្ងរ របស់កូនស្រីសិល្បករជើងចាស់ម្នាក់
(ភ្នំពេញ)៖ សម្តេចមហាបវរធិបតី ហ៊ុន ម៉ាណែត និងលោកជំទាវបណ្ឌិត ពេជ ចន្ទមុន្នី ហ៊ុនម៉ាណែត ចាត់ក្រុមគ្រូពេទ្យជួយធ្វើការព្យាបាលវះកាត់កូនស្រីសិល្បករជើងចាស់អ្នកមីង អ៊ំ ផល្លា មានជំងឺរលាកខ្នែងពោះវៀនស្រួចស្រាលយ៉ាងធ្ងន់ធ្ងរ។
ដោយក្តីសប្បុរសធម៌ដ៏ខ្ពង់ខ្ពស់បំផុត សម្តេចធិបតី និងលោកជំទាវបណ្ឌិត បានចាត់ក្រុមគ្រូពេទ្យស្ម័គ្រចិត្តយុវជនសម្តេចតេជោ(TYDA) ព្យាបាល ប្អូនស្រី អូន សុផាផន អាយុ២៥ឆ្នាំ មានអាការៈចុកពោះជាខ្លាំងដោយសាររលាកខ្នែងពោះវៀនយ៉ាងធ្ងន់ធ្ងរ ធ្វើការវះកាត់ នៅមន្ទីរពេទ្យមិត្តភាពកម្ពុជា-ចិនព្រះកុសុមៈ។ ក្រោយពីទទួលបានការវះកាត់ពីសំណាក់ក្រុមគ្រូពេទ្យជំនាញរួចមក អាការៈ មានភាពធូរស្បើយច្រើន នឹងបានត្រឡប់ទៅផ្ទះវិញឆាប់ៗនេះ ជាមួយទឹកចិត្តរីករាយ និងគោរពថ្លែងអំណរគុណជាអនេកកប្បកាល ជូនចំពោះ សម្តេចធិបតី និងលោកជំទាវបណ្ឌិត។
រាល់ការចំណាយទាំងអស់ ទាំងក្នុងការព្យាបាល ស្នាក់នៅ និងហូបចុក ត្រូវបានឧបត្ថម្ភទំនុកបម្រុងដោយសម្តេចមហាបវរធិបតី ហ៊ុន ម៉ាណែត និងលោកជំទាវបណ្ឌិត ពេជ ចន្ទមុន្នី ហ៊ុនម៉ាណែត៕
ដោយ ៖ វណ្ណលុក
![](https://asset.ams.com.kh/central/media/2024/07/photo_2024-07-20_07-58-07-1024x962.jpg)
![](https://asset.ams.com.kh/central/media/2024/07/photo_2024-07-20_07-58-05-1024x918.jpg)
![](https://asset.ams.com.kh/central/media/2024/07/photo_2024-07-20_07-58-04-768x1024.jpg)