ឯកឧត្តមរដ្ឋមន្ត្រី ជា វ៉ាន់ដេត ទទួលជួប នាយកការិយាល័យអភិវឌ្ឍន៍ទូរគមនាគមន៍ នៃសហភាពទូរគមនាគមន៍អន្តរជាតិ
ភ្នំពេញ៖ ឯកឧត្តម ជា វ៉ាន់ដេត រដ្ឋមន្ត្រីក្រសួងប្រៃសណីយ៍ និងទូរគមនាគមន៍ កាលពីថ្ងៃទី២២ ខែកក្កដា ឆ្នាំ២០២៤ បានអនុញ្ញាតឱ្យ លោកបណ្ឌិត Cosmas Zavazava នាយកការិយាល័យអភិវឌ្ឍន៍ទូរគមនាគមន៍ នៃសហភាពទូរគមនាគមន៍អន្តរជាតិ (International Telecommunication Union – ITU) ចូលជួបសម្តែងការគួរសម និងពិភាក្សាការងារ នៅទីស្តីការក្រសួងប្រៃសណីយ៍និងទូរគមនាគមន៍ ក្នុងគោលបំណងពង្រឹងកិច្ចសហប្រតិបត្តិការអន្តរជាតិរវាងប្រទេសកម្ពុជា ជាមួយ ITU ព្រមទាំងបណ្តាប្រទេសសមាជិកផ្សេងៗទៀត។ ជាមួយគ្នានេះ ថ្នាក់ដឹកនាំក្រសួង បានដឹកនាំគណៈប្រតិភូ ទៅទស្សនកិច្ចមជ្ឈមណ្ឌលបច្ចេកវិទ្យាសហគមន៍ (Community Tech Centre – CTC) នៅខេត្តតាកែវ និងបណ្ឌិត្យសភាបច្ចេកវិទ្យាឌីជីថលកម្ពុជា ដើម្បីឈ្វេងយល់ពីការងារអាទិភាពក្នុងការអភិវឌ្ឍវិស័យនានារបស់ក្រសួងផងដែរ។
លោកបណ្ឌិត Cosmas Zavazava បានវាយតម្លៃខ្ពស់ចំពោះកិច្ចសហប្រតិបត្តិការដ៏ល្អរវាងក្រសួងប្រៃសណីយ៍និងទូរគមនាគមន៍ និង ITU និងកោតសរសើរចំពោះសមទ្ធិផលដែលក្រសួងសម្រេចបាន ជាពិសេសគឺគំនិតផ្តួចផ្តើមឱ្យមានមជ្ឈមណ្ឌលបច្ចេកវិទ្យាសហគមន៍ និងថ្នាលផ្ទៀងផ្ទាត់ឯកសាររបស់រាជរដ្ឋាភិបាល verify.gov.kh៕
ដោយ ៖ ង៉ាន់ ទិត្យ
![](https://asset.ams.com.kh/central/media/2024/07/photo_2024-07-24_11-05-52-1024x554.jpg)
![](https://asset.ams.com.kh/central/media/2024/07/photo_2024-07-24_11-05-50-1024x618.jpg)
![](https://asset.ams.com.kh/central/media/2024/07/photo_2024-07-24_11-05-49-1024x650.jpg)
![](https://asset.ams.com.kh/central/media/2024/07/photo_2024-07-24_11-05-47-1024x590.jpg)
![](https://asset.ams.com.kh/central/media/2024/07/photo_2024-07-24_11-05-45-1024x682.jpg)
![](https://asset.ams.com.kh/central/media/2024/07/photo_2024-07-24_11-05-43-1024x682.jpg)
![](https://asset.ams.com.kh/central/media/2024/07/photo_2024-07-24_11-05-41-1024x682.jpg)
![](https://asset.ams.com.kh/central/media/2024/07/photo_2024-07-24_11-05-39-1024x682.jpg)
![](https://asset.ams.com.kh/central/media/2024/07/photo_2024-07-24_11-05-40-1024x689.jpg)