កំពង់ធំ៖នៅចម្ការកៅស៊ូ ទ្រី ភាព បឹងទន្លេម្រេច ឃុំរមណីយ ស្រុករវៀង ខេត្តព្រះវិហារ អ្នកឧកញ៉ាបណ្ឌិត ទ្រី ភាព បេសកជន​ពិសេសសម្ដេច តេជោហ៊ុន សែន ប្រធានព្រឹទ្ធសភា និងលោកជំទាវអ្នកឧកញ៉ា គៀន ស្រីនាង បានអញ្ជើញនាំយកទៀនព្រះវស្សា និងទេយ្យទាន ព្រមទាំង បច្ច័យមួយចំនួនប្រគេនដល់ព្រះសង្ឃមកពី២៦វត្តកាលពីព្រឹកថ្ងៃទី២៥ ខែកក្កដា ឆ្នាំ២០២៤។ 

វត្តទាំង២៦វត្តមកពីឃុំទាំង៧ នៃស្រុកប្រាសាទបល្ល័ង្ក ខេត្តកំពង់ធំ។ក្នុងនាមជាអ្នកគោរពប្រតិបត្តិតាមព្រះពុទ្ធសាសនា អ្នកឧកញ៉ា បណ្ឌិត ទ្រី ភាព និងលោកជំទាវអ្នកឧកញ៉ាជានិច្ចកាលតែងតែរៀបចំ ទៀន ព្រះវស្សា ទេយ្យទាន ព្រមទាំងបច្ច័យ​ផ្សេងៗប្រគេន​ព្រះសង្ឃ និង វត្តអារាម ជារៀងរាល់ឆ្នាំ។ក្នុងឆ្នាំនេះអ្នកឧកញ៉ាទាំងពីរបាន ប្រគេន សរុបដល់ ៤៦វត្ត ។ក្នុងនោះមាន២៦ វត្តសម្រាប់ខេត្តកំពង់ធំ, ១៣វត្តសម្រាប់ខេត្តពោធិ៍សាត់ និងបីវត្តសម្រាប់ខេត្តកណ្ដាល។ សរុបទឹកប្រាក់ ២៥០លានរៀល ៕
ដោយ៖ប៊ុន រដ្ឋា