ភ្នំពេញ៖ខណៈដែលប្រជាពលរដ្ឋខ្មែរទូទាំងប្រទេសបង្ហាញមនោ សញ្ចេតនារំភើបរីករាយ ចូលរួមអបអរសាទរពិធីបើក​ការដ្ឋាន​សាង​សង់ព្រែកជីកហ្វូណនតេជោព្រឹកថ្ងៃទី៥ ខែសីហា ឆ្នាំ២០២៤នេះ ថ្នាក់ដឹកនាំ និងបុគ្គលិកទាំងអស់នៃក្រុមហ៊ុនអប្សរាព័ត៌មាន ក្រុមហ៊ុន​អប្សរា មេឌា សឺវីស AMS បានជួបជុំគ្នាដោយទឹកមុខសប្បាយរីក រាយចូលរួមគាំទ្រយ៉ាង​ក្លៀវក្លា អបអរសាទរសមិទ្ធផលថ្មី​ជា​ប្រវត្តិសាស្រ្ត​របស់ព្រះរាជាណាចក្រកម្ពុជា ក្រោមការដឹកនាំរបស់សម្ដេចមហា បវរធិបតី ហ៊ុន ម៉ាណែត នាយករដ្ឋមន្រ្តីនីតិ​កាល​ទី៧នៃរដ្ឋសភា។

ពិធីជួបជុំដែលប្រព្រឹត្តទៅនៅស្ថានីយវិទ្យនិងទូរទស្សន៍អប្សរា មាន ការទស្សនាការផ្សាយផ្ទាល់នូវទិដ្ឋភាពពិធីបើកការដ្ឋានសាងសង់
ព្រែកជីកហ្វូណនតេជោ ក្រោមអធិបតីភាពដ៏ខ្ពង់ខ្ពស់សម្ដេចធិបតី ហ៊ុន ម៉ាណែត នាយករដ្ឋមន្រ្តីកម្ពុជា ។នៅម៉ោង៩និង៩នាទីថ្នាក់ដឹកនាំ និងបុគ្គលិកបានបន្ទរនូវជយឃោស អបអរសាទរនិងគាំទ្រយ៉ាង ពេញទំហឹងការបើកការដ្ឋានសាងសង់ព្រែកជីកហ្វូណនតេជោ ជាមួយនឹងការទូងស្គរ គោះរគាំង វាយត្រឡោក និងការសម្ដែងសិល្បៈ ឆៃយ៉ាំផងដែរ។ ពិធីជួបជុំបានបន្តពេញមួយព្រឹកជាមួយនឹងការ​កម្សាន្តសប្បាយ ព្រមទាំងការបរិភោគអាហារសម្រន់ និងភេសជ្ជៈ​ទៅតាមតម្រូវការ។

ថ្នាក់ដឹកនាំមួយរូប តំណាងឱ្យក្រុមហ៊ុនអប្សរាព័ត៌មាន ក្រុមហ៊ុនអប្សរា មេឌា សឺវីសAMS បានបញ្ជាក់ថា ព្រឹកនេះក៏ដូចជាស្ថាប័នរដ្ឋ
ឯកជន​និងប្រជាជនកម្ពុជាទូទាំងប្រទេសដែរ ថ្នាក់ដឹកនាំក្រុមហ៊ុន​អប្សរាព័ត៌មានដែលមានវិទ្យុ និងទូរទស្សន៍ ក្រុមហ៊ុនអប្សរា បណ្ដាញ​ព័ត៌មាន AMS ទាំងអស់គ្នាបានមកជួបជុំគ្នាបង្ហាញនូវការ​អបអរសាទរ​និងគាំទ្រការសាងសង់ព្រែកជីកហ្វូណនតេជោ ដែលជាគំនិតផ្តួចផ្តើម​របស់សម្ដេចអគ្គមហាសេនាបតីតេជោ ហ៊ុន សែន អតីតនាយករដ្ឋមន្រ្តី​កម្ពុជាប្រធានព្រឹទ្ធសភានិងបន្តអនុវត្តឱ្យសម្រេចជាសមិទ្ធផលជាក់ស្តែងក្រោមការដឹកនាំរបស់សម្ដេចមហាបវរធិបតី ហ៊ុន ម៉ាណែត នាយករដ្ឋមន្រ្តី​នីតិកាលទី៧ នៃរដ្ឋសភា។លោកបន្តថា ព្រែកជីកហ្វូណន គឺជាការបន្តនូវចក្ខុវិស័យ នៃអ្នកមេដឹកនាំ​អាណចក្រ​ហ្វូណន ដែលនឹងផ្តល់នូវគុណ​ប្រយោជន៍ដ៏ធំធេងដល់សេដ្ឋកិច្ចជាតិ កិត្យានុភាពជាត និងជីវភាពសង្គម ។

មានប្រសាសន៍ក្នុងពិធីបើកការដ្ឋានសាងសង់ព្រែកជីកហ្វូណនតេជោ នាព្រឹកថ្ងៃទី៥ ខែសីហាសម្តេចធិបតី ហ៊ុន ម៉ាណែត នាយករដ្ឋមន្ត្រី​កម្ពុជាបានគូសរំលេចថា អតីតរាជធានីអង្គបុរី ក្នុងសម័យហ្វូណន មានព្រែកជីកចំនួន៥ បម្រើដល់ការ​ធ្វើ​ពាណិជ្ជ​កម្ម​របស់ហ្វូណន។ដូច្នេះការសាងសង់ព្រែកជីកហ្វូណនតេជោ គឺជាការអនុវត្តតាម​ចក្ខុវិស័យមេដឹកនាំអាណា​ចក្រ​ហ្វូណន។

តាមរយៈការសាងសង់ព្រែកជីកហ្វូណនតេជោ ជាការបង្ហាញដល់​បុព្វបុរសខ្មែរ​សម័យ​​ហ្វូណនថា កូនខ្មែរពីរពាន់ឆ្នាំក្រោយបានប្រឹង​ប្រែង​រួបរួមគ្នាប្រមូលផ្តុំកម្លាំងកសាងជាតិឡើងវិញ។ ព្រែកជីក​ហ្វូណន​តេជោ មិនត្រឹមបម្រើពាណិជ្ជកម្មអន្តរជាតិប៉ុណ្ណោះ តែក៏បម្រើ​ដល់ប្រព័ន្ធ​ធារាសាស្ត្រជួយ​ដល់ការស្រោចស្រពក្នុងវិស័យផងដែរ។សម្ដេច​ធិបតីបានបន្ថែមថា កុំមានការសង្ស័យ ព្រែកជីកហ្វូណន​តេជោ នឹងផ្តល់កម្លាំងសេដ្ឋកិច្ចបន្ថែមដល់កម្ពុជា។ ការសាងសង់​ព្រែកជីក​ហ្វូណន​តេជោគឺដើម្បីកិត្យានុភាព ឯករាជ្យភាព អធិបតេយ្យ និងភាពរីកចម្រើន។

សម្តេចធិបតីបានបន្ថែមថា ថ្ងៃនេះយើងរួមគ្នាបើកការដ្ឋានសាងសង់​ព្រែកជីកហ្វូណនតេជោ ៥ឆ្នាំក្រោយ យើងនឹងរួមគ្នាធ្វើដំណើរ​តាមព្រែកជីកនេះ។ ព្រែកជីកហ្វូណនតេជោ នឹងធ្វើឱ្យប្រជាពលរដ្ឋនៅ​អមសងខាងព្រែកជីកមានជីវភាពល្អប្រសើរ។ ក្នុងឋានៈជា​ប្រមុខ​រាជរដ្ឋាភិបាលសម្ដេចប្តេជ្ញាប្រឹងប្រែងសាងសង់ព្រែកជីកនេះឱ្យសម្រេចបានជោគជ័យ។

សូមជម្រាបថា ព្រែកជីកហ្វូណនតេជោដែលបានបើកការដ្ឋានស្ថាបនា​នាពេលនេះ គឺជាការតភ្ជាប់ប្រព័ន្ធដៃទន្លេមេគង្គ និងផ្លូវសមុទ្រ ប្រវែងសរុបប្រមាណ ១៨០គីឡូម៉ែត្រ មានទទឹងមាត់លើ ១០០ម៉ែត្រ ទទឹងបាតក្រោម ៨០ម៉ែត្រ និងជម្រៅ ៥,៤ម៉ែត្រ ដោយគ្រោង​ប្រើប្រាស់រយៈពេល៤ឆ្នាំ នៅក្នុងការស្ថាបនា​គម្រោងដ៏ធំមួយនេះ។ព្រែកជីកនេះឆ្លងកាត់ខេត្តចំនួនបួន គឺខេត្តកណ្ដាល
តាកែវ កំពត និងខេត្តកែប៕

ដោយ៖មុនី