ភ្នំពេញ៖ ក្នុងនាមសមាជិក សមាជិកាព្រឹទ្ធសភា និងខ្លួនខ្ញុំផ្ទាល់ ខ្ញុំមានសេចក្តីក្រៀមក្រំ​សោក​ស្តាយយ៉ាង ក្រៃលែងចំពោះមរណភាពរបស់ សម្តេចចៅហ្វាវាំង វរវៀងជ័យ អធិប​តី​ស្រឹង្គារ គង់ សំអុល ឧបនាយករដ្ឋមន្ត្រី និងជារដ្ឋមន្ត្រីក្រសួងព្រះបរមរាជវាំង នៅថ្ងៃចន្ទ ១៤រោច ខែស្រាពណ៍ ឆ្នាំរោង ឆស័ក ព.ស.២៥៦៨ វេលាម៉ោង ០៨:៣៥នាទីព្រឹក ក្នុងជន្មាយុ ៩៤ឆ្នាំ ដោយជរាពាធ។ ក្នុងវេលាប្រកបដោយមរណទុក្ខដ៏សែន​ក្ដុកក្ដួល​ជាទីបំផុតនេះ យើងខ្ញុំសូមចូលរួមរំលែកទុក្ខដោយសេចក្តីសោកស្តាយ​ស្រណោះ​អា​ឡោះ​អាល័យ និងក្តីសង្វេគស្ទើររកទីបំផុតគ្មាន ព្រោះថាការបាត់បង់ ។

សម្តេចចៅហ្វាវាំង វរវៀងជ័យ អធិបតីស្រឹង្គារ គង់ សំអុល គឺជាការបាត់បង់ ឧត្តមស្វាមី ឪពុក ឪពុកក្មេក ជីតា ជីតាទួត ជាទីគោរពស្រលាញ់ប្រកបដោយសង្គហធម៌ ព្រហ្មវិហារ​ធម៌​មិនចេះរីងស្ងួត ពិសេសក៏ជាការបាត់បង់ដ៏ធំធេងនូវឥស្សរជន​នយោបាយខ្មែរ​ដ៏ឆ្នើម​មួយរូប ដែលពោរពេញដោយឆន្ទៈ មនសិការក្នុងការបំរើបុព្វហេតុ ជាតិ សាសនា ព្រះម​ហាក្សត្រ គ្រប់កាលៈទេសៈ ព្រមទាំងបានរួមចំណែកយ៉ាង សកម្មក្នុងកិច្ចការរបស់​ក្រ​សួង​​​ព្រះបរមរាជវាំង និងការគាល់បម្រើ អតីតព្រះមហាវីរៈក្សត្រ ព្រះបរម រតនកោដ្ឋ និង ព្រះមហាក្សត្រជីវិតតម្កល់លើត្បូង នាពេលបច្ចុប្បន្ន។

យើងខ្ញុំសូមចារិកទុកចំពោះគុណបំណាច់ និងស្នាដៃដ៏ធំធេងរបស់ សម្តេចចៅហ្វាវាំង វរវៀងជ័​យ អធិបតីស្រឹង្គារ គង់ សំអុល ចងចាំក្នុងក្រអៅបេះដូងជារៀងរហូត។ យើងខ្ញុំ​សូម​បួងសួងដល់វត្ថុស័ក្តិសិទ្ធិក្នុងលោក និងតេជៈបារមីនៃព្រះពុទ្ធ ព្រះធម៌ ព្រះសង្ឃ សូមតាម ជួយបីបាច់ថែរក្សាដល់ដួងវិញ្ញាណក្ខន្ធ សម្តេចចៅហ្វាវាំងវរវៀងជ័យ អធិបតី​ស្រឹង្គារគង់ សំអុល បានទៅសោយសុខក្នុងសុគតិភពជានិច្ចនិរន្តរ៍តរៀងទៅ។

សូម លោកជំទាវឧកញ៉ា ទទួលនូវមនោសញ្ចេតនារំលែកទុក្ខដោយក្តីក្រៀមក្រំពីខ្ញុំ ៕

ដោយ ៖ វណ្ណលុក