តូក្យូ : សាកលវិទ្យាល័យមួយនៅភាគខាងលិចប្រទេសជប៉ុន នឹងបង្កើតនាយកដ្ឋានឯកទេសថ្មីមួយ ដែលសិក្សាអំពីសត្វដាយណូស័រ ដែលបានផុតពីផែនដី កាលពីរាប់រយលានឆ្នាំមុន។

សាកលវិទ្យាល័យ Okayama University of Science គ្រោងនឹងចាប់ផ្តើមបើកដំណើរនាយកដ្ឋានថ្មីនេះ នៅខែមេសា ឆ្នាំ ២០២៥ ខណៈដែលវិស័យនេះកាន់តែមានប្រជាប្រិយភាព។

នាយកដ្ឋានថ្មីនេះ នឹងបើកទទួលសិស្សចំនួន ៤៥នាក់ កើនឡើងប្រហែល ៥០ភាគរយ បើធៀបវគ្គសិក្សាមុន ក៏ដូចជាបង្កើនសាស្រ្តាចារ្យចំនួន ៨នាក់ទៀត បើធៀបនឹងពីមីនមានត្រឹម ៤នាក់ប៉ុណ្ណោះ។

នាយកដ្ឋាននេះ នឹងផ្តល់ឱកាសឱ្យនិសិត្សចូលរួមក្នុងការស្រាវជ្រាវចម្រុះលើពពួកសត្វដាយណូស័រ មានដូចជាការកំណត់អត្តសញ្ញាណប្រូតេអ៊ីន ដែលនៅសល់ក្នុងហ្វូស៊ីល និងការសិក្សាអំពីការវិភាគរោគសាស្ត្រជាដើម៕

ប្រភព : Kyodo News ប្រែសម្រួលដោយ : ឈឹម ទីណា