(ភ្នំពេញ)៖សហព័ន្ធកីឡាវ៉ូវីណាមកម្ពុជា បើកវគ្គបណ្ដុះបណ្ដាលអាជ្ញាកណ្ដាល-ចៅក្រោម រយៈពេល ៤ថ្ងៃ ចាប់ពីថ្ងៃទី២៧-៣០ ខែតុលា នៅអគារខេមរានី ស.ស.យ.ក រាជធានីភ្នំពេញ ដោយមានសិក្ខាកាមចូលរួមចំនួន ២៥នាក់ មកពីរាជធានី-ខេត្ត ត្រៀមការប្រកួតកីឡាជាតិ លើកទី៤ សម្រាប់កីឡាវ៉ូវីណាម ដែលនឹងធ្វើឡើងពីថ្ងៃទី៣០ ខែតុលា ដល់ថ្ងៃទី០២ ខែវិច្ឆិកា ឆ្នាំ២០២៤ ខាងមុខ ដែលមាន៩ក្រុម មកពីក្រសួង និងរាជធានី ខេត្ត ចូលរួម ។

ឯកឧត្តម អ៊ូ រតនា ប្រធានសហព័ន្ធកីឡាវ៉ូវីណា បានបញ្ជាក់ថា វគ្គបណ្តុះបណ្តាល​នេះ បង្កើតឡើង ក្នុងគោលបំណងពង្រឹងសមត្ថភាពមន្រ្តីចៅក្រម អាជ្ញាកណ្តលរបស់​សហព័ន្ធ ចូលរួមកាត់សេចក្តីក្នុងព្រឹត្តិការណ៍កីឡាជាតិ និងអភិវឌ្ឍន៍ចំណេះជំនាញ​ចៅក្រម អាជ្ញាកណ្តាលឈានឆ្ពោះក្លាយជាអាជ្ញាកណ្តាល ចៅក្រមកម្រិតអន្តរជាតិ ៕

ដោយ ៖ ជាវ ចន្ធូ