បរទេស៖ នៅព្រឹកថ្ងៃអង្គារ ទី៥ ខែវិច្ឆិកានេះ យោធាកូរ៉េខាងត្បូង បានឱ្យដឹងថា កូរ៉េខាងជើងទើបបានបាញ់សាកល្បងមីស៊ីលបាលិស្ទីគរយៈចម្ងាយខ្លី ជាច្រើនគ្រាប់។

អគ្គសេនាធិការចម្រុះរបស់កូរ៉េខាងត្បូង មីស៊ីលបាលិស្ទីគរយៈចម្ងាយខ្លីជាច្រើនគ្រាប់ត្រូវបានបាញ់ចេញនៅម៉ោង ៧៖៣០នាទីព្រឹក ទៅកាន់តំបន់ សមុទ្រខាងកើត។

ប្រភពបន្តថា ដើម្បីជាការត្រៀមលក្ខណៈ យោធាកូរ៉េខាងត្បូងបានពង្រឹងការតាមដាន និងការប្រុងជើងការ ហើយចែករំលែកព័ត៌មានជាមួយជប៉ុននិងអាមេរិក។

កាលពីថ្ងៃព្រហស្បតិ៍ សប្ដាហ៍មុន កូរ៉េខាងជើងបានធ្វើតេស្ដមីស៊ីលបាលិស្ទីគអន្តរទ្វីប ICBM មួយគ្រាប់ ផងដែរ ពោលគឺបន្ទាប់ពីមានរបាយការណ៍កាន់តែច្បាស់អំពីវត្តមានទាហានកូរ៉េខាងជើងនៅរុស្ស៊ី៕

ប្រភពពី AFP ប្រែសម្រួល៖ សារ៉ាត