អតីតយុទ្ធជនកំពង់ធំ៦៥គ្រួសារ បានទទួលដីសម្បទានសង្គមកិច្ច និងផ្ទះថ្មីអំណោយសម្ដេចធិបតីនាយករដ្ឋមន្រ្តី
កំពង់ធំ៖អតីតយុទ្ធជនចំនួន ៦៥ គ្រួសារដែលពុំមានដី និងផ្ទះ រស់នៅឃុំក្រយា ស្រុកសន្ទុកខេត្តកំពង់ធំ បានទទួលដីសម្បទាន សង្គមកិច្ច និងផ្ទះថ្មី ជាអំណោយរបស់សម្ដេចមហាបវរធិបតី ហ៊ុន ម៉ាណែត នាយករដ្ឋមន្ត្រី និងលោកជំទាវបណ្ឌិត ពេជ ចន្ទមុន្នី ។
អតីតយុទ្ធជនទាំង៦៥ គ្រួសារដែលទទួលបានដី និងគេហដ្ឋានថ្មីសម្រាប់រស់នៅ និងធ្វើកសិកម្មចិញ្ចឹមគ្រួសារ បានធ្វើឡើងតាម
រយៈការចាប់ឆ្នោតដែលអញ្ជើញចូលរួមដោយផ្ទាល់ពីឯកឧត្តម នួន ផារ័ត្រ អភិបាលខេត្តកំពង់ធំនិងប្រធានកិត្តិយសសមាគម អតីតយុទ្ធជនកម្ពុជាខេត្តកំពង់ធំ
បើតាមសេចក្តីរាយការណ៍របស់ឧត្តមសេនីយ៍ទោ សោម ស៊ុន មេបញ្ជាការតំបន់ប្រតិបត្តិការសឹករងនិងប្រធានសមាគមអតីត យុទ្ធជនកម្ពុជាខេត្តកំពង់ធំ ដែលទទួលគ្រប់គ្រងអតីតយុទ្ធជនខេត្ត ការរៀបចំដីសម្បទានសង្គមកិច្ចនិងសង់ផ្ទះជូនអតីត យុទ្ធជននោះបានបញ្ជាក់ថា មកដល់ពេលនេះអតីតយុទ្ធជនបានទទួលផ្ទះស្នាក់នៅចំនួន ៣៨៧ ខ្នងផ្ទះដែលជាអំណោយ សម្ដេចតេជោ ហ៊ុន សែន និងសម្ដេចធិបតី ហ៊ុន ម៉ាណែត ។
ជាមួយនឹងការអបអរសាទរដល់អតីតយុទ្ធជនទាំង៦៥គ្រួសារ ដែលទទួលបានដីនិងផ្ទះរស់នៅបានសមរម្យ ឯកឧត្តម នួន ផារ័ត្ន អភិបាលខេត្តកំពង់ធំ បានថ្លែងអំណរគុណចំពោះសម្ដេចតេជោ ហ៊ុន សែន និងសម្ដេចធិបតី ហ៊ុន ម៉ាណែត ដែលបានយកចិត្ត ទុកដាក់សុខទុក្ខ និងជីវភាពរបស់អតីតយុទ្ធជន។ឯកឧត្តមក៏បានសរសើរឧត្តមសេនីយ៍ទោ សោម ស៊ុនដែលបានប្រឹងប្រែង បម្រើដល់គ្រួសារអតីតយុទ្ធជននៅខេត្តកំពង់ធំ និងការពារទប់ស្កាត់ការបំផ្លាញធនធានធម្មជាតិ។ឯកឧត្តមបានផ្ដាំផ្ញើដល់ អតីតយុទ្ធជនដែលទទួលបានដី និងផ្ទះសូមខិតខំដាំដុះនិងចិញ្ចឹមសត្វ ដើម្បីបង្កើនចំណូលដល់ជីវភាពគ្រួសារ៕
ដោយ៖ប៊ុនរដ្ឋា
