(ភ្នំពេញ)៖តាមរបាយការណ៍របស់គណៈកម្មាធិការរៀបចំបុណ្យជាតិ-អន្តរជាតិ ដែលបណ្ដាញព័ត៌មានទទួលបាននាថ្ងៃទី១៣ ខែវិច្ឆិកា ឆ្នាំ២០២៤ បានបង្ហាញថា ក្នុងព្រះរាជពិធីបុណ្យអុំទូកឆ្នាំនេះ មានទូកងនិងទូកមួងដែលចុះឈ្មោះចូលរួមប្រកួតមានចំនួនសរុប៣៤៨ទូក ខណៈកីឡាករ-កីឡាការិនីចំណុះទូក និងបម្រុងមានចំនួនសរុប២២,០៤២នាក់ មកពី១៩រាជធានី-ខេត្ត ព្រមទាំងក្រសួង ស្ថាប័ន អង្គភាព សមាគម វត្តអារាមមួយចំនួនទៀត។
ក្នុងចំណោមទូកសរុបទាំង៣៤៨ទូកនោះ រួមមាន៖ * ទូកអុំបុរសចំនួន ១៧១ទូក *ទូកចែវបុរសចំនួន ៤៤ទូក *ទូកចែវនារីចំនួន ១ទូក * ទូកខ្នាតអន្តរជាតិបុរសចំនួន ១២៩ទូក * ទូកខ្នាតអន្តរជាតិនារីចំនួន ៣ទូក។
ចំពោះចំណុះទូកទាំង២២,០៤២នាក់នោះ រួមមាន៖ * កម្លាំងអុំបុរសមានចំនួន ១៧,៥៤០នាក់ * កម្លាំងនារីមានចំនួន ១០៦នាក់ * កម្លាំងត្រៀមបុរស ៤,២៩៤នាក់

• កម្លាំងត្រៀមនារី ១០២នាក់។
  សូមបញ្ជាក់ថា ព្រះរាជពិធីបុណ្យអុំទូក បណ្ដែតប្រទីប និងសំពះព្រះខែ អកអំបុក ឆ្នំានេះប្រារព្ធឡើងរយៈពេល៣ថ្ងៃ ចាប់ពីថ្ងៃទី១៤ ទី១៥ និងទី១៦ ខែវិច្ឆិកា ឆ្នាំ២០២៤៕

ដោយ ៖ សុខ ណេត