ភ្នំពេញ៖ កីឡាករកីឡាការិនី និងគ្រូបង្វឹក ទូក ង ទៀ វិញ នាគសែនជ័យរស្មីចន្រ្ទា ទទួលបានអំណោយលើកទឹកចិត្តពីថ្នាក់ដឹកនាំ ក្រោយប្រណាំងប្រជែងទទួលបានចំណាត់ល្អមួយ ក្នុងការប្រណាំងនៃព្រះរាជពិធីបុណ្យអុំទូក បណ្តែតប្រទីប សំពះព្រះខែ និង អុកអំបុក រយៈពេល៣ នៅមុខព្រះបុរមរាជរាំង។
ពិធីនេះ បានធ្វើឡើង ក្រោមវត្តមាន លោក ជំទាវ កាន់ ចន្ទ្រា និង ឯកឧត្តម ឧត្តមនាវីឯក វណ្ណ ប៊ុនលៀង មេបញ្ជាការរង កងទ័ពជើងទឹក និងជានាយសេនាធិការកងទ័ពជើងទឹក តំណាងដ៏ខ្ពង់ខ្ពស់ ឯកឧត្តម នាយឧត្តម នាវី ទៀ វិញ អគ្គមេបញ្ជាការរង កងយោធពលខេមរភូមិ មេបញ្ជាការកងទ័ពជើងទឹក អនុប្រធានប្រចាំការ និងជាអគ្គលេខាធិការនៃគណៈកម្មាធិការជាតិសន្តិសុខលម្ហសមុទ្រ នាល្ងាចថ្ងៃទី១៧ ខែវិច្ឆិកា ឆ្នាំ២០២៤ នៅបញ្ជាការដ្ឋានកងទ័ពជើងទឹក ខណ្ឌជ្រោយចង្វា រាជធានីភ្នំពេញ។

នាឱកាសនោះ លោក ជំទាវ កាន់ ចន្ទ្រា ក្នុងនាម ឯកឧត្តម នាយឧត្តមនាវី ទៀ វិញ បានកោតសសើរនិងថ្លែងអំណរគុណយ៉ាងខ្លាំងដល់ការខិតខំប្រឹងរបស់គ្រូបង្រឹកនិងកីឡាករកីឡាការិនីនៃបញ្ជាការរដ្ឋានកងទ័ពជើងទឹកដែលដណ្តើមបានចំណាត់ល្អជូនអង្គភាពក្នុងការប្រណាំងរយៈពេល៣ថ្ងៃនៃព្រះរាជពិធីបុណ្យអុំទូក បណ្តែតប្រទីប សំពះព្រះខែ និង អុកអំបុក។ជាមួយគ្នានោះ លោក ជំទាវ បាននាំយកអំណោយផ្តល់ជូនកីឡាករកីឡាការិនី និងគ្រូបង្វឹក រួមមានថវិការ អង្ក សំលៀកមួយចំនួន ជាការលើកទឹកផងដែរ។
នាឱកាសនោះដែរ ឯកឧត្តម ឧត្តមនាវីឯក វណ្ណ ប៊ុនលៀង បានគូសបញ្ជាក់ថា លទ្ធផលដែលយើងទទួលបាននាពេលនេះ បានកើតចេញពីការយកចិត្តទុកដាក់ខ្ពស់ពីគណៈកម្មការ គ្រូបង្វឹក និងកីឡាករកីឡាការិនី ទាំងក្នុងអំឡុងពេលហ្វឹកហ្វឺន និងពេលប្រណាំងប្រជែង ហើយអ្វីដែលកាន់ពិសេសនោះ ធ្វើឱ្យទូក ង ទៀ វិញ នាគសែនជ័យ រស្មីចន្ទ្រាអាចដណ្តើមបានល្អផលល្អជូនអង្គភាពកងទ័ពជើងទឹកទាំងមូលនេះ គឺបានកើតចេញពីការយកចិត្តទុកដាក់និងជ្រោមជ្រែងខ្ពស់ឧបត្ថម្ភថវិកា សម្ភារៈនិងស្មារតីពីសំណាក់ ឯកឧត្តម នាយឧត្តមនាវី ទៀ វិញ និង លោកជំទាវ កាន់ ចន្ទ្រា ដែលជាស្ថាបនិក ទូក ង កងទ័ពជើងទឹក ឈ្មោះ ទូក ង ទៀ វិញ នាគសែនជ័យ រស្មីចន្ទ្រា។

លទ្ធផលដែលទទួលបាននាពេលនេះ ជាមោទតនៈភាពយ៉ាងក្រៃលែងដល់កងទ័ពជើងទឹក។ក្នុងនាម ឯកឧត្តម នាយឧត្តម នាវី ទៀ វិញ អគ្គមេបញ្ជាការរង កងយោធពលខេមរភូមិ មេបញ្ជាការកងទ័ពជើងទឹក អនុប្រធានប្រចាំការ និងជាអគ្គលេខាធិការនៃគណៈកម្មាធិការជាតិសន្តិសុខលម្ហសមុទ្រ សូមថ្លែងអំណរគុណយ៉ាងជ្រាលជ្រៅចំពោះឯកឧត្តម លោក ជំទាវ និងសប្បុរសជនក្រុមហ៊ុនដៃគូ ដែលបានចូលរួមឧបត្ថម្ភគាំទ្រ ធ្វើឱ្យការប្រណាំងទទួលបានលទ្ធផល្អយ៉ាងត្រចាស់ត្រចង់ក្រៃលែង។
សូមបញ្ជាក់ថា ទូក ង ទៀ វិញ នាគសែនជ័យ រស្មីចន្ទ្រា ប្រណាំងក្នុងក្របខណ្ឌគូពិសេស គឺមាន១២៦ទូក ក្នុងនោះ ទូក ង ទៀ វិញ នាគសែនជ័យរស្មីចន្រ្ទាទទួលបានចំណាត់រួមលេខ៣១ ចាញ់៣០ទូក ង ក្នុងខណ្ឌគូពិសេស និងឈ្នះ៩៥ទូក។
គួររំលឹកថា ក្នុងរយៈពេល៣ថ្ងៃនៃការប្រណាំងនេះ ទូក ង ទៀ វិញ នាគសែន ជ័យ រស្មីចន្ទ្រា ថ្ងៃប្រណាំងទី១ ជួប ទូក ង ជំទាវក្លាហានសម័យតេជោ ទូក ង ភ្នំពេញ លទ្ធផលឈ្នះមួយ និងចាញ់១ ទទួលលទ្ធផលលេខ១ ឈ្នះថេរៈវេលា .ថ្ងៃទី២ ប៉ះ ទូក ង មហាជាតិបុត្រ ទូក ង ខេត្តកណ្តាលទាំង២ជើង និងថ្ងៃទី៣ ប៉ះ ទូក ង ទូក ង ផ្ការាំស័ក្កសិទ្ធ នៅជើងទី១ខ្សែទឹកខាងក្នុង ឈ្នះនិងចាញ់នៅជើងទី២ ខ្សែទឹកខាងក្រៅ តែលទ្ធផលឈ្នះថេរៈវេលា។

សម្រាប់សប្បុរសជនដែលបានជូលរួមឧបត្ថម្ភគាំទ្រដល់ទូក ង ទៀ វិញ នាគសែនជ័យរស្មីចន្រ្ទាក្នុងការចូលរួមប្រណាំងរយៈពេល៣ថ្ងៃក្នុងព្រះរាជពិធីបុណ្យអុំទូក បណ្តែតប្រទីប សំពះព្រះខែ និង អុកអំបុក មានឯកឧត្តម ទា គឹមតុល៥០០ដុល្លារ. ឯកឧត្តម គង់ ឈួន១លានរៀល.ឯកឧត្តម ហុង ប៉ុន១លានរៀល .ឯកឧត្តម ងួនឧត្តម ២០០ដុល្លារ.លោកស្រី រិន ២លានរៀល.គណៈកម្មការជាតិសន្តិសុខលម្ហសុទ្រ៤លានរៀល. ឯកឧត្តម ញ៉ិល ស៊ុន ២០០ដុល្លារ. លោក អឿ សារឿន ២៥០ដុល្លារ. ឯកឧត្តម ហួត លីម ១០០ដុល្លារ. ឯកឧត្តម ជ័យ លាភី ១០០ដុល្លារ. លោក ជាង សនសែសិបម៉ឺនរៀល. លោក ហាស់ ប៊ុនថន៥០ដុល្លារ. ឯកឧត្តម យស ស៊ីវុត្ថាហាសិបម៉ឺនរៀល .មូលដ្ឋានទ័ពរៀម ៤លានរៀល.លោក សាំ ផល្លី សែសិបម៉ឺនរៀល .លោក សេង ណារិន សែសិបម៉ឺនរៀល និង ឯកឧត្តម ជា សុផល១០០ដុល្លារ៕

ថត ដោយ ជីម ភារ៉ា អត្ថបទ៖ ជាវ ចន្ធូ