យុទ្ធនាការ « កម្ពុជាស្អាត ខ្មែរធ្វើបាន » នៅឃុំផ្សារ ស្រុកបរិបូរណ៍ មានអ្នកចូលរួមជាង ៦០០នាក់
(កំពង់ឆ្នាំង)៖ ឯកឧត្តម ទូច ភាព អនុដ្ឋលេខាធិការ ឯកឧត្តម ឈរ រតនៈ អនុរដ្ឋលេខាធិការ នៃក្រសួងបរិស្ថាន និងមានការចូលរួមពីមន្រ្តីជំនាញពាក់ព័ន្ធ កាលពីព្រឹកថ្ងៃទី១២ ខែធ្នូ ឆ្នាំ២០២៤ បានដឹកនាំធ្វើយុទ្ធនាការ « កម្ពុជាស្អាត ខ្មែរធ្វើបាន » នៅឃុំផ្សារ ស្រុកបរិបូរណ៍ ខេត្តកំពង់ឆ្នាំង ដោយមានការចូលរួមពី គណៈអភិបាលស្រុក កងកម្លាំង និងមន្ត្រីចំណុះរដ្ឋបាលស្រុក ព្រមទាំងសិស្សានុសិស្ស លោកគ្រូ អ្នកគ្រូ ប្រជាពលរដ្ឋ ចុះផ្សព្វផ្សាយពីភាពស្អាត ធ្វើអនាម័យក្នុងមូលដ្ឋានឃុំផ្សារ ស្រុកបរិបូរណ៍សរុប ចំនួន ៦៣៥នាក់។
ដើម្បីចូលរួមចលនា ទៅជាទម្លាប់ស្អាត ដោយយើងស្ពាតមិនមែនមកពីសម្អាត តែយើងស្អាតដោយមិនពង្រាយនិងការទុកដាក់សម្រាមអោយបានត្រឹមត្រូវ «យើងស្អាតដើម្បីថ្ងៃនេះ និងជារៀងរហូត»នៅឃុំផ្សារ ស្រុកបរិបូរណ៍ ខេត្តកំពង់ឆ្នាំង ។
ឯកឧត្តម ទូច ភាព បញ្ជាក់ថា យុទ្ធនាការថ្ងៃនេះ ផ្តើមចេញពីភាពជោគជ័យនៃយុទ្ធនាការកាត់បន្ថយការប្រើប្រាស់ប្លាស្ទិក ក្រោមប្រធានបទ «ថ្ងៃនេះ ខ្ញុំមិនប្រើថង់ប្លាស្ទិកទេ» ក្រសួងបរិស្ថានបានដាក់ចេញនូវយុទ្ធនាការថ្មី ១ បន្ថែមទៀតគឺយុទ្ធនាការ “កម្ពុជា ស្អាត ខ្មែរធ្វើបាន» គឺជាយុទ្ធនាការសុំឱ្យសិស្សានុសិស្ស បងប្អូនប្រជាពលរដ្ឋមួយភូមិ ឬ មួយឃុំ ឬ មួយស្រុក ឬ មួយខេត្ត ចេញមកទាំងអស់រួមគ្នាសំអាតអនាម័យបរិស្ថាន នៅតាមបរិវេណផ្ទះ សាលារៀន វត្តអារាម និង តាមទីសាធារណៈ ១ថ្ងៃក្នុង ១សប្តាហ៍ ដោយធ្វើការប្រមូល និង ទុកដាក់សំរាមឱ្យបានត្រឹមត្រូវ។
ឯកឧត្ដម បន្ថែមថា គោលដៅចំបងគឺផ្លាស់ប្តូរផ្នត់គំនិតរបស់សាធារណជន ដោយប្រែក្លាយពីការផ្សព្វផ្សាយ មកជាយុទ្ធនាការ ទៅជាចលនា រួចទៅជាទម្លាប់ ដោយរហូតមកដល់ពេលនេះ ។ រដ្ឋបានស្រុកបរិបូរណ៍បានដាក់ផែនការធ្វើសកម្មភាព ក្នុង១ខែ៤ដង ហើយក្នុង១សប្តាហ៍យក១ថ្ងៃ ដើម្បីឱ្យសិស្សានុសិស្ស អាជ្ញាធរមូលដ្ឋានប្រជាពលរដ្ឋ បានចូលរួម សំអាត អនាម័យបរិស្ថាន នៅតាមមូលដ្ឋានរបស់ខ្លួន ពិសេសនៅតាមសងខាងផ្លូវជាតិល៥នេះតែម្តង។
ឯកឧត្តម បណ្ឌិត អ៊ាង សុផល្លែត រដ្ឋមន្រ្តីក្រសួងបរិស្ថានបានគូសបញ្ចាក់ នៅក្នុងផ្តល់កិច្ចសម្ភាសន៍ជាមួយនិងអ្នកសារព័ត បន្ទាប់ពីបើកសិក្ខាសាលាបិទបញ្ចប់កម្មវិធីសម្ព័ន្ធភាពប្រែប្រួលអាកាសធាតុកម្ពុជាដំណាក់កាលទី៣ (CCCA3) យុទ្ធនាការ«កម្ពុជាស្អាតខ្មែរធ្វើបាន» ក៏បាននិងកំពុងរួមគ្នាធ្វើ នៅតាមបណ្តាផ្លូវជាតិសំខាន់ៗក្នុងនោះមានផ្លូវជាតិលេខ៣ លេខ៤ លេខ៥ និងលេខ៥១ផងដែរ តាមរយៈ យុទ្ធនាការថ្មីនេះ និងកំណត់ថា គ្រប់ផ្លូវជាតិគឺត្រូវតែស្អាត គ្មានសំរាម ដែលទាមទារឱ្យមានការចូលរួមទាំងអស់គ្នា ៕
ដោយ ៖ ង៉ាន់ ទិត្យ
