វ៉ាស៊ីនតោន ៖ មហាសេដ្ឋីទាំង ៥០០ របស់ពិភពលោក បានក្លាយទៅជាអ្នកមានដាច់គេនៅក្នុងឆ្នាំ ២០២៤ ដោយលោក Elon Musk, លោក Mark Zuckerberg និងលោក Jensen Huang បាននាំមុខគេ ដែលនាំឱ្យទ្រព្យសម្បត្តិសរុបរបស់មហាសេដ្ឋីពិភពលោកកើនឡើងដល់ ១០.១ ពាន់ពាន់លានដុល្លារអាមេរិក។ នេះបើយោងតាមការចេញផ្សាយដោយសារព័ត៌មាន Bloomberg។

បច្ចេកវិទ្យាទំនើបរបស់សហរដ្ឋអាមេរិក បានដើរតួយ៉ាងសំខាន់ជំរុញឱ្យទ្រព្យសម្បត្តិរបស់មហាសេដ្ឋីពិភពលោកទាំងបីនាក់ ក៏ដូចជាទ្រព្យសម្បត្តិរបស់ Larry Ellison, Jeff Bezos, Michael Dell និងសហស្ថាបនិក Google លោក Larry Page និង Sergey Brin កើនឡើងយ៉ាងគំហុក។

ជាក់ស្តែង ត្រឹមតែទ្រព្យសម្បត្តិរបស់មេធំក្រុមហ៊ុនបច្ចេកវិទ្យាយក្សទាំង៨នាក់នេះប៉ុណ្ណោះ មានចំនួនដល់ទៅ ៦០០ពាន់លានដុល្លារនៅក្នុងឆ្នាំ ២០២៤ កើនឡើងចំនួន ៤៣ភាគរយ ពោលគឺកើនឡើង ១.៥ពាន់ពាន់លានដុល្លារអាមេរិក ក្នុងចំណោមអ្នកមានបំផុតទាំង ៥០០នាក់ ដែលត្រូវបានរាយការណ៍ដោយ Bloomberg Billionaires Index៕

ប្រភព ៖ Bloomberg ប្រែសម្រួល ៖ ឈឹម ទីណា