សៀមរាប៖អង្គការរ៉ូតារីក្លឹប សិនតូសាសាំងហ្គាពួរ និងអង្គការសុបិន សហគមន៍ កម្ពុជា កាលពីថ្ងៃទី២០ ខែកុម្ភៈ​បាននាំយក​កុំព្យូទ័រចំនួន១៥គ្រឿង កង់១០០ គ្រឿង ,សម្ភារសិក្សា៥០០កញ្ចប់ និងសម្លៀកបំពាក់ ចែកជូនដល់សិស្សា នុសិស្សដែលមាន​ជីវភាពលំបាក​កំពុ​ងសិក្សានៅក្នុងវិទ្យាល័យ តាអី ឃុំត្រពាំងធំ ស្រុកប្រាសាទបាគង ខេត្តសៀមរាប។

លោក ហាក់ គឹមឈឺន នាយកវិទ្យាល័យ តាអី បានឱ្យដឹងថា នេះជា លើកទី២ហើយ ដែលអង្គការរ៉ូតារីក្លឹប សិនតូសាសាំង​ហ្គាពួរ ផ្តល់អំណោយ ជាសម្ភារៈសិក្សាជូនដល់សាលា រួមជាមួយនឹងការសាងសង់បង្គន់អនាម័យ ៤បន្ទប់ ដល់សាលា ព្រមទាំងផ្តល់នូវសម្ភារៈសិក្សាជាច្រើនទៀត។

លោក នៅសំ រដ្ឋា អភិបាលរងស្រុកប្រាសាទបាគង  បានថ្លែងអំណរ គុណដល់សប្បុរសជននានា ដែលតែងបានជួយ​ដល់សិស្សមានការលំបាក​នៅតាមតំបន់ជនបទក្នុងនេះមានស្រុកប្រាសាទបាគង។

លោក ស្រី លីឌា ប្រធានឡូតារីក្លឹប សិនតូសា និងលោកស្រី ឃូរីន អង្គការរ៉ូតារីក្លឹបសិនតូសាសាំងហ្គាពួរ និង លោកស្រី ជេនី លីប៉ា ប្រធានអង្គការសុបិនសហគមន៍ប្រចាំនៅកម្ពុជា បានសម្តែងនូវភាព ត្រេកអរដែលបានជួបជាមួយសិស្សានុសិស្ស ក្នុងការទទួលស្វាគមន៍ ប្រកបដោយភាពរាក់ទាក់សុភាពរាបសារ ដែលធ្វើឱ្យ​ប្រតិភូមិនអាច​បំភ្លេចបាននូវអនុស្សាវរីយ៍របស់​សិស្សវិទ្យាល័យតាអី កម្ពុជារស់នៅក្រោម​ដំបូលសុខសន្តិភាព ៕

លោកស្រីទាំងបីបានអះអាងថា អង្គការនឹងនៅតែបន្តជួយដល់​សិស្សក្រីក្រនៅកម្ពុជា ទៅតាមលទ្ធភាពដែលអង្គការធ្វើ​ទៅបានបន្ថែមទៀត៕
ដោយ៖ប៊ុន រដ្ឋា