ព្រះបាឡាតគណខេត្ត និងមន្ទីរជំនាញ និមន្តនិងអញ្ជើញផ្សព្វផ្សាយអភិក្រមស៣ នៅស្រុកភ្នំក្រវាញ
ពោធិ៍សាត់៖ ព្រះបញ្ញាសីលរង្សី សៅរ៍ សុជាតិ ព្រះបាឡាត់គណខេត្ត លោកអែម សុធា ប្រធានមន្ទីរធម្មការនិងសាសនាខេត្ត ពោធិ៍សាត់ លោក ធាម សុផាត អភិបាលស្រុកភ្នំក្រវាញ នៅចុងសប្ដាហ៍នេះបាននិមន្តនិងចុះផ្សព្វផ្សាយខ្លឹមសារអភិក្រម ស៣ដល់ព្រះសង្ឃ គណៈកម្មការអាចារ្យ អាជ្ញាធរដែនដីនៃឃុំចំណុះរដ្ឋបាលស្រុកភ្នំក្រវាញ ។ពិធីបានប្រព្រឹត្តទៅនៅវត្តភ្នំបាក់ ត្រាព្រះរាជសិលាបក្សីចាំក្រុង ស្ថិតក្នុងភូមិបាក់ត្រា ឃុំព្រងិល ស្រុកភ្នំក្រវាញ ខេត្តពោធិ៍សាត់។
សូមជម្រាបថា អភិក្រមស៣ ដែលបានកំណត់ដោយក្រសួងធម្មការ និងសាសនា គឺ សទី១៖ បរិស្ថាន អនាម័យស្អាតសំណង់ មានរបៀបរៀបរយ ជារមណីយដ្ឋានសាសនាសម្រាប់ពុទ្ធបរិស័ទ។សទី២៖ វត្តស្វាង៖ជាកន្លែងផ្តល់នូវចំណេះដឹងតាមរយៈការ អប់រំ និងជាកន្លែងដុសខាត់ចិត្ត និស្ស័យ បណ្តុះបញ្ញាស្មារតី ឱ្យស្គាល់គុណធម៌ សីលធម៌ និងសុជីវធម៌និងសទី៣ វត្តស្ងប់ ៖ជាកន្លែងគ្មានអធិករណ៍ ធ្វើសមាធិកម្មដ្ឋាន ហ្វឹកហ្វឺនអប់រំចិត្ត បន្ទោបង់នូវកិលេស ធ្វើឱ្យចិត្តស្ងប់ ប្រាសចាកពីគ្រឿងញៀន៕
ដោយ៖ចេង ពុំ
