បរទេស ៖ អ្នកការទូតកំពូល របស់សហភាពអឺរ៉ុប លោកស្រី Kaja Kallas បានច្រានចោល គំនិតរបស់លោក Trump ដែលបិទទ្វារអង្គការណាតូ រារាំងមិនឲ្យអ៊ុយក្រែន ចូលជាសមាជិក។

អ្នកការទូតកំពូលរបស់ EU រូបនេះ និយាយថា NATO ផ្តល់ការធានាសន្តិសុខល្អបំផុតសម្រាប់អ៊ុយក្រែន ដោយចោទប្រកាន់ប្រធានាធិបតីអាមេរិក Donald Trump ថា បានធ្លាក់ ក្នុងការនិទានរឿងរុស្ស៊ី ដោយការបិទទ្វារបែបនេះ។

លោកស្រី បានប្រាប់ AFP នៅទីក្រុងវ៉ាស៊ីនតោនថា «សំណួររបស់ខ្ញុំ គឺ ហេតុអ្វីបានជាយើងគួរតែផ្តល់ឱ្យរុស្ស៊ី នូវអ្វីដែលពួកគេចង់បាន លើសពីអ្វី ដែលពួកគេបានធ្វើរួចមកហើយ ….វាយប្រហារអ៊ុយក្រែន បញ្ចូលទឹកដី កាន់កាប់ទឹកដី ហើយឥឡូវនេះផ្តល់អ្វីមួយ នៅលើរុស្ស៊ីទៀត…សូមពិចារណាចំណុចនេះ»។

លោកស្រី ក៏បានរម្លឹកពីព្រឹត្តិការណ៍ វាយប្រហារអគារភ្លោះអាមេរិក បង្កឡើងដោយមេភេរវករ Osama bin Laden។ លោកស្រី ចោទសួរថា «តើក្រោយវាយប្រហារ នៅពេលនោះ តើអាមេរិកមកអង្គុយចរចាជាមួយ Osama bin Laden កើតទេ?។ លោកស្រី សង្កត់ធ្ងន់ថា «តើអ្នកចង់បានអ្វីទៀត? ខ្ញុំមានន័យថា វាមិននឹកស្មានដល់»។

គួរបញ្ជាក់ថា លោក Trump នៅតែមិនចង់ឲ្យអ៊ុយក្រែនចូលជាសមាជិកសម្ព័ន្ធយោធាណាតូ ដោយលោកអះអាងថា បំណងបែបនេះ ទើបនាំឲ្យមានសង្គ្រាម អូសបន្លាយ ជាង៣ឆ្នាំមកនេះ៕

ប្រភពពី AFP ប្រែសម្រួល៖ សារ៉ាត