(ភ្នំពេញ)៖ ប្រកួតកីឡាប៊ូល និងប៉េតង់សន្តិភាពវ័យចាស់ពាន​រង្វាន់ ឯកឧត្តមបណ្ឌិត សោម ចិន លើកទី៣ ឆ្នាំ ២០២៥ បានរៀបចំឡើង នៅពហុកីឡដ្ឋានជាតិអូឡាំពិក ដើម្បីបំផុស​គំនិត ថែរក្សា សន្តិភាពសុខភាព និងសមគ្គីភាព ។

ឯកឧត្តមបណ្ឌិត សោម ចិន បានឱ្យដឹងថា ការប្រកួតកីឡាប៊ូល និងប៉េតង់សន្តិភាពវ័យចាស់ដែលរៀបចំ ធ្វើជាលើកទី៣នៅ​ពេល​នេះ មានគោលបំណងសំខាន់ធំ៤ គឺ ដើម្បីអបអរសាទរថ្ងៃ​ទិវានារីអន្តរជាតិ នារី ៨ មិនា ឆ្នាំ ២០២៥ និង ជាការបំផុត​គំនិត​ឱ្យមនុស្សគ្រប់រូបដែលជាកោសិកាសង្គមពិសេសមនុស្ស វ័យចាស់ រួមគ្នាលេងកីឡាដើម្បីសុខភាព និង រួមគ្នាការពារសុខ​សន្តិភាពដែលកម្ពុជាមាន បច្ចុប្បន្ន ដែល ជា សមិទ្ឋផលកើត​ចេញ​ពីការលះបង់ដ៏ ធំធេងរបស់សម្តេច តេជោ ហ៊ុន សែន ស្ថាបនិកសន្តិភាព យក អាយុជីវិតខ្លួនធ្វើជាដើមទុន ឱ្យបាន​ស្ថិត​ស្ថេរនិងរួមគ្នាប្រឆាំងដាច់ខាតសង្គ្រាមនិង គម្រោងទាំង​ឡាយណាដែលបញ្ឆេះសង្គ្រាម និងបង្កអសន្តិសុខនានា​ក្នុងសង្គម ។

ដើម្បីសាមគ្គីភាពមិត្តភាពភាតរភាព និងទំនាក់ទំនងល្អប្រសើរ និងរួមចំណែកជួយដល់ សហព័ន្ធ ផ្សព្វផ្សាយពីកីឡាប៉េតង់អូស​ទាញកីឡាករថ្នាលថ្មី ឱ្យងាកមកលេងកីឡាបញ្ចៀស​ការប្រើ​ប្រាស់​គ្រឿង ញៀន និងអំពើអប្បាយមុខផ្សេងៗនៅក្នុង​សង្គមផងដែរ។

ឯកឧត្តម វ៉ាត់ ចម្រើន រដ្ឋលេខាធិការក្រសួងអប់រំ យុវជន និងកីឡា និងជាអគ្គលេខាធិការគណៈកម្មាធិការជាតិ​អូឡាំ​ពិកកម្ពុជា និង ឯកឧត្តម សុខ សូកាន បានគាំទ្រពេញ​ទំហឹងដូចគ្នា ចំពោះ ក្លឹបកីឡាប៊ូល និង ប៉េតង់ សន្តិភាព​វ័យចាស់ ដែលដឹកនាំដោយ ឯកឧត្តមបណ្ឌិត សោម ចិន ដោយចាត់ទុកការប្រកួត កីឡាប៊ូល និងប៉េតង់ សន្តិភាពវ័យ​ចាស់ នៅថ្ងៃនេះ ជាព្រឹត្តិការណ៍គំរូមួយរួមចំណែកដល់ការ​លើកកម្ពស់កីឡាជាតិ ថែរក្សាសុខភាព សាមគ្គីភាព និង រួមចំណែកក្នុងការ ផ្សព្វផ្សាយកីឡាប៉េតង់កម្ពុជាអោយ​បានទូលំទូលាយ ទាក់ទាញយុវជនអោយងាកមក​លេងកីឡាជៀស ឆ្ងាយបញ្ហាអប្បាយមុខផ្សេងៗ រួមគ្នាថែរក្សាសន្តិសុខ សណ្តាប់ធ្នាប់ និង សន្តិភាព ដែលកម្ពុជាបច្ចុប្បន្ន អោយបានគង់រង្សផងដែរ ៕

ដោយ ៖ ហេង សម្បត្តិ