កម្ពុជារៀបចំបុណ្យទន្លេលើកទី៩ នៅខេត្តតាកែវ ចាប់ពីថ្ងៃទី​២១-២៣ ខែមីនា ឆ្នាំ២០២៥

(ភ្នំពេញ)៖ ក្រសួងទេសចរណ៍ បានឱ្យដឹងថា ក្រសួង ជាមួយ​ភាគីពាក់ព័ន្ធនឹងរៀបចំ ព្រឹត្តិការណ៍បុណ្យទន្លេ លើកទី៩ ក្រោមប្រធានបទ “គុណតម្លៃនៃទន្លេ៖ ផ្សារភ្ជាប់វប្បធម៌ និង​ទេសចរណ៍ធម្មជាតិ” ដែលនឹងប្រព្រឹត្តទៅចាប់ពីថ្ងៃទី២១ ដល់ថ្ងៃទី២៣ ខែមីនា ឆ្នាំ២០២៥ នៅខេត្តតាកែវ ដើម្បីលើក​កម្ពស់តម្លៃនៃផលិតផលក្នុងស្រុក ជំរុញសេវាកម្មទេសចរណ៍ និងផ្សព្វផ្សាយតំបន់សក្តានុពលទេសចរណ៍ នៅខេត្តជាប់ដង​ទន្លេក្នុងប្រទេសកម្ពុជា។

បើយោងតាមសេចក្តីជូនដំណឹងខាងលើនេះបានបញ្ជាក់ថាក្នុងការរៀបចំព្រឹត្តិការណ៍នេះដែរក្រសួងទេសចរណ៍ បាន​សហ​កា​រ​ជាមួយក្រសួងវប្បធម៌និងវិចិត្រសិល្បៈ ក្រសួងពាណិជ្ជកម្ម រដ្ឋបាលខេត្តតាកែវ គណៈកម្មាធិការជាតិអូឡាំពិកកម្ពុជា សភាពាណិជ្ជកម្មខេត្តតាកែវ ក្រសួង-ស្ថាប័ន ពាក់ព័ន្ធ និងផ្នែកឯកជនជាដើម។

ក្រសួងទេសចរណ៍បានលើកឡើងឱ្យដឹងបន្ថែមថា ក្នុងន័យ​ដើម្បី​ជំរុញឱ្យព្រឹត្តិការណ៍បុណ្យទន្លេ លើកទី៩ ប្រព្រឹត្ត​ទៅ​ដោយភាពអធិកអធម គណៈកម្មការអន្តរ ក្រសួងនឹង​រៀបចំ​កម្មវិធីសំខាន់ៗដូចខាងក្រោម ៖

១. ការផ្សាយផ្ទាល់នូវទស្សនីយភាពសិល្បៈ ការប្រគំតន្ត្រី​ដោយ​ក្រុមសិល្បករ សិល្បការិនី និងតារាចម្រៀងល្បីៗប្រចាំ ព្រះរាជា​ណាចក្រកម្ពុជា និងការអុជកាំជ្រួចអបអរសាទរព្រឹត្តិការណ៍​បុណ្យទន្លេ លើកទី៩ ឆ្នាំ២០២៥

២. មហោស្រពម្ហូបអាហារនិងភេសជ្ជៈ ពិព័រណ៍ពាណិជ្ជកម្ម ការតាំងផលិតផលកសិទេសចរណ៍ ផលិតផលក្នុងស្រុក និងគម្រោងអភិវឌ្ឍន៍ទេសចរណ៍ នៅខេត្តជាប់ដងទន្លេ​ក្នុងព្រះរាជាណាចក្រកម្ពុជា

៣. ការប្រកួតកីឡា និងការកម្សាន្តផ្សេងៗ៕

ដោយ ៖ ម៉ាដេប៉ូ

ជិន ម៉ាដេប៉ូ
ជិន ម៉ាដេប៉ូ
អ្នកយកព៏ត៌មាន ផ្នែក សង្គម និង សេដ្ឋកិច្ច ។លោកធ្លាប់ជាអ្នកយកព័ត៌មានប្រចាំឱ្យស្ថាប័នកាសែត និងទូរទស្សន៍ធំៗនៅកម្ពុជា។ក្រៅពីអ្នកយកព័ត៌មាន លោក ក៏ធ្លាប់ ជាអ្នកបកប្រែផ្នែកភាសាថៃ ប្រចាំឱ្យ កាសែត និងទស្សនាវដ្តីច្រើនឆ្នាំផងដែរ។បច្ចុប្បន្នលោកជាអ្នកយកព័ត៌មានឱ្យទូរទស្សន៍អប្សរាផ្នែកសេដ្ឋកិច្ច។
ads banner
ads banner
ads banner