គ្រួសារអតីតយុទ្ធជន និងគ្រួសារកងទ័ព ទទួលបាន​អំ​ណោ​យ​ សម្ដេចមហាបវរធិបតី ហ៊ុន ម៉ាណែត និង​លោកជំទាវ បណ្ឌិត ពេជ ចន្ទមុន្នី

(ខេត្តព្រះវិហារ)៖ មេបញ្ជាការតំបន់ប្រតិបត្តិការសឹករង​ព្រះ​វិហារ លោកឧត្តមសេនីយ៍ទោ ច័ន្ទ សុភ័ក្រ្ដា  និងជាប្រ​ធានសមាគមអតីតយុទ្ធជនកម្ពុជា ខេត្តព្រះវិហារ នៅថ្ងៃ​ទី​២៤ មីនា ២០២៥ បានអញ្ជេីញដឹកនាំក្រុម​ការងារ អាជ្ញា​ធរ​មូលដ្ឋាន និងកងកម្លាំងទាំង៣ ចុះជួបសំណេះ​សំ​ណា​ល សួរសុខទុក្ខ និងនាំយកអំណោយដ៏ថ្លៃថ្លារបស់ សម្តេច​ធិបតី ហ៊ុន ម៉ាណែត នាយករដ្ឋមន្ត្រី កម្ពុជា និងលោក​ជំ​ទាវ ប្រគល់ជូនគ្រួសារអតីតយុទ្ធជន និងគ្រួសារកងទ័ព ដែលមានជីវភាពខ្វះខាត ៥៣គ្រួសារ នៅភូមិអានសេះ ឃុំជាំក្សាន្ដ ស្រុកជាំក្សាន្ដ ខេត្តព្រះវិហារ ។

អំណោយដែលគ្រួសារអតីតយុទ្ធជន និងគ្រួសារកង​ទ័ព​ទាំង ៥៣គ្រួសារ ទទួលបាននាពេលនោះ ដោយ​ក្នុងមួយ​គ្រួសារៗទទួលបាន  អង្ករ មី ទឹកត្រី ទឹកសុីអុីវ និង ត្រីខកំប៉ុង ។

ប្រធានសមាគមអតីតយុទ្ធជនកម្ពុជា ខេត្តព្រះវិហារ លោកឧត្តមសេនីយ៍ទោ ច័ន្ទ សុភ័ក្រ្តា មានប្រសាសន៍ ពាំនាំនូវការផ្តាំផ្ញើសាកសួរសុខទុក្ខពីសំណាក់ សម្តេច​មហាបវរធិបតី ហ៊ុន ម៉ាណែត នាយករដ្ឋមន្រ្តី កម្ពុជា   និង ឯកឧត្ដម គីម រិទ្ធី អភិបាលខេត្តព្រះវិហារ និងជា​ប្រធានកិត្តិយសសមាគមអតីតយុទ្ធជនកម្ពុជាខេត្តព្រះវិហារ ដែលតែងគិតគូរចំពោះសុខទុក្ខ និងការរស់នៅរបស់​បងប្អូន គ្រួសារអតីតយុទ្ធជន ក៏ដូចជាបងប្អូនកងទ័ព ដែល​ឈរជេីងនៅតាមព្រំដែនកម្ពុជា-ថៃ។

លោកឧត្តមសេនីយ៍ទោ ច័ន្ទ សុភ័ក្រ្តា បានថ្លែង រំលឹក​ពីគំរូវីរភាពដ៏អង់អាចក្លាហាន របស់អតីតយុទ្ធជន ដែល​កន្លងមកធ្លាប់ចូលរួមចំណែកក្នុងការកសាង រំដោះជាតិ មាតុភូមិកម្ពុជា ឲ្យរួចផុតពីភ្នក់ភ្លើងសង្រ្គាម ធ្វើអោយ​ប្រទេសជាតិមានសុខសន្ដិភាព និងការអភិវឌ្ឍន៍​លើ​គ្រប់វិស័យ រហូតមកដល់បច្ចុប្បន្ន ។

នៅក្នុងឱកាសនោះដែរ លោកប្រធាន សមាគមអតីត​យុទ្ធ​ជន​កម្ពុជាខត្តព្រះវិហារ បានប្រគល់កង់ ០១គ្រឿង ជូន​ដល់​សិស្សដែលមានជីវភាពក្រីក្រ និងបានឧបត្ថម្ភថវិកា ចំនួន ២០ម៉ឺនរៀល ដល់គ្រួសារកងទ័ពទើបសម្រាលកូន​រួច ជាអំណោយ ដ៏ថ្លៃថ្លៃថ្លា របស់ឯកឧត្តម នាយឧត្តម​សេនី​យ៍ ម៉ៅ សុផាន់ អគ្គមេបញ្ជាការរង នៃកង យោធ​ពល ខេមរភូមិន្ទ មេបញ្ជាការកងទ័ពជើងគោក៕

ដោយ៖ឡុង សំបូរ

ឈឹម សុផល
ឈឹម សុផល
ពីឆ្នាំ៩១-៩៦ គឺជាអ្នកយកព័ត៌មាន ទូរទស្សន៍ជាតិកម្ពុជា។ ពីឆ្នាំ៩៦ដល់បច្ចុប្បន្ន បម្រើការងារព័ត៌មាននៅទូរទស្សន៍អប្សរា។ ក្រោមការអនុវត្តប្រឡូកក្នុងវិស័យព័ត៌មាន រយៈពេលជាច្រើនឆ្នាំ នឹងផ្ដល់ជូនមិត្តអ្នកអាននូវព័ត៌មានប្រកបដោយគុណភាព និងវិជ្ជាជីវៈ។
ads banner
ads banner
ads banner