បរទេស ៖ ចៅក្រមអាមេរិក បានផ្អាកជាបណ្ដោះអាសន្ន ចំពោះបទបញ្ជា របស់លោកប្រធានាធិបតី Donald Trump ដែលចង់លុបចោលវិទ្យុអឺរ៉ុបសេរី។

យោងតាមទីភ្នាក់ងារព័ត៌មាន CNN នៅថ្ងៃពុធនេះ ចៅក្រមអាមេរិក លោក Royce C. Lamberth បានផ្តល់សំណើឲ្យវិទ្យុអឺរ៉ុប ឬ វិទ្យុសេរីភាពសេរី ផ្សាយបន្តផ្សាយ និង តាមអ៊ីនធឺណិត ផ្អែកលើការរារាំងបទបញ្ជា នេះ ដែលត្រូវបានធ្វើឡើង កាលពីថ្ងៃអង្គារ។

គួរបញ្ជាក់ថា Radio Free Europe ឬ Radio Liberty បានដាក់ពាក្យប្តឹង កាលពីសប្តាហ៍មុន ដើម្បីប្រឆាំងទៅនឹងបទបញ្ជាឲ្យបិទ របស់លោក Trump ដោយអះអាងថា ការបិទនេះ នឹងបំពានរដ្ឋធម្មនុញ្ញ និងច្បាប់សហព័ន្ធ។ ចៅក្រម Lamberth បានស្តាប់ទឡ្ហីករណ៍ កាលពីថ្ងៃចន្ទ។ នៅមុនសវនាការ រដ្ឋបាល Trump បានយល់ព្រម បង់នូវអ្វី ដែលខ្លួនជំពាក់ វិទ្យុអាស៊ីសេរី សម្រាប់ឆមាសទីមួយ នៃខែមីនា។ ប៉ុន្តែ រដ្ឋបាលបានបន្តការពារ បទបញ្ជាឲ្យបញ្ឈប់ ដែលទាមទារ ឲ្យចូលជាធរមាន នៅថ្ងៃទី១៥ ខែមីនា។

នាយកប្រតិបត្តិវិទ្យុ Free Europe លោក Stephen Capus បាននិយាយ នៅក្នុងសេចក្តីថ្លែងការណ៍មួយ បន្ទាប់ពីសវនាការថា «យើងមានទំនុកចិត្តថា ច្បាប់គឺនៅខាងយើង នៅពេលដែលរដ្ឋធម្មនុញ្ញរបស់សហរដ្ឋអាមេរិកផ្តល់អំណាចផ្តាច់មុខ ដល់សភា…វាជាការខុសច្បាប់ ក្នុងការបដិសេធពួកយើង នូវមូលនិធិ ដែលសភាបានឯកភាពរួចហើយចំពោះយើង សម្រាប់រយៈពេល ដែលនៅសល់ នៃឆ្នាំសារពើពន្ធនេះ»៕

ប្រភពពី CNN ប្រែសម្រួល៖ សារ៉ាត