Trump បញ្ជាឲ្យយករូបគំនូរលោកចេញពីជញ្ជាំង

បរទេស ៖ រូបគំនូរមួយផ្ទាំង របស់លោកប្រធានាធិបតីសហរដ្ឋអាមេរិក Donald Trump ត្រូវបានគេទម្លាក់ចុះ ចេញពីលើជញ្ជាំង នៅទីតាំងមួយ ស្ថិតក្នុងរដ្ឋ Colorado បន្ទាប់ពីលោកប្រធានាធិបតីបានអះអាងថា រូបគំនូរនេះ ត្រូវបានគេបង្ខូចទ្រង់ទ្រាយ និង បំភ្លៃដោយចេតនា។

យោងតាមលិខិត ដែលទទួលបាន ដោយទីភ្នាក់ងារសារព័ត៌មាន Associated Press
សមាជិកសភាគណបក្សប្រជាធិបតេយ្យ បាននិយាយ នៅក្នុងសេចក្តីថ្លែងការណ៍មួយថា គំនូរនេះនឹងត្រូវដកចេញ តាមសំណើរបស់លោក Trump។ គំនូរនេះ ត្រូវបានគណបក្សសាធារណរដ្ឋ នៃរដ្ឋ Colorado រៃអង្គាសប្រាក់ បានច្រើនជាង១ម៉ឺនដុល្លារ តាមរយៈគណនី GoFundMe ចំណាយឲ្យគេគូរ មកដាក់តាំង កាលពីឆ្នាំ២០១៩។ រូបគំនូរបញ្ឈរនេះ ត្រូវបានដំឡើង នៅក្បែរនឹងរូបគំនូរផ្សេងទៀត របស់អតីតប្រធានាធិបតីសហរដ្ឋអាមេរិក មុនៗ។

មេដឹកនាំក្រុមជនជាតិភាគតិចព្រឹទ្ធសភា លោក Paul Lundeen មកពីគណបក្សសាធារណរដ្ឋ បាននិយាយថា លោកបានស្នើសុំឱ្យរូបគំនូរ របស់លោក Trump មួយនេះ ត្រូវបានដកចេញ ហើយជំនួសវិញ ដោយរូបភាព ដែលពណ៌នាអំពីភាពទាន់សម័យ របស់លោក Trump៕

ប្រភពពី AP ប្រែសម្រួល ៖ សារ៉ាត

លន់ សារ៉ាត
លន់ សារ៉ាត
ខ្ញុំបាទ លន់ សារ៉ាត ជាពិធីករអានព័ត៌មាន និងជាពិធីករសម្របសម្រួលកម្មវិធីផ្សេងៗ និងសរសេរព័ត៌មានអន្តរជាតិ
ads banner
ads banner
ads banner