បរទេស ៖ ប្រធានាធិបតី ប្រទេសអ៊ុយក្រែន លោក Volodymyr Zelensky បានរិះគន់ការសម្រេចចិត្ត របស់ទីក្រុងវ៉ាស៊ីនតោន ក្នុងការជួយស្តារលទ្ធភាព ទទួលបានទីផ្សារពិភពលោករបស់រុស្ស៊ី សម្រាប់ទំនិញកសិកម្ម របស់ខ្លួន។

លោក Zelensky និយាយប្រាប់អ្នកសារព័ត៌មាន កាលពីថ្ងៃអង្គារថា «យើងជឿថា នេះគឺជាការចុះខ្សោយជំហរ និង បន្ថយការដាក់ទណ្ឌកម្ម»។

រុស្ស៊ី និងអ៊ុយក្រែន បានព្រមព្រៀងគ្នា កាលពីថ្ងៃអង្គារ ដើម្បីបញ្ឈប់ការវាយប្រហារយោធា នៅសមុទ្រខ្មៅ និងលើទីតាំងថាមពល អំឡុងពេលកិច្ចពិភាក្សា ដែលសម្របសម្រួល ដោយសហរដ្ឋអាមេរិក ផ្តល់ការបន្ធូរបន្ថយសម្ពាធ លើការនាំចេញកសិផល ដែលជាការលើកទឹកចិត្តជាក់ស្តែងលើកដំបូង សម្រាប់ទីក្រុងម៉ូស្គូ។

ស្របពេលដែលប្រធានាធិបតី Donald Trump ជំរុញឱ្យមានការបញ្ចប់ យ៉ាងឆាប់រហ័ស លើសង្គ្រាមដែលបានសម្លាប់មនុស្សរាប់ម៉ឺននាក់ អ្នកចរចារបស់សហរដ្ឋអាមេរិក បានបិទទ្វារ ដាច់ដោយឡែក ក្នុងរយៈពេលបីថ្ងៃ នៅក្នុងរដ្ឋធានី Riyadh របស់ប្រទេសអារ៉ាប៊ី សាអូឌីត ជួបប្រជុំគ្នា ជាមួយនឹងគណៈប្រតិភូមកពីអ៊ុយក្រែនផង និង មកពី រុស្ស៊ី ផង៕

ប្រភពពី AFP ប្រែសម្រួល៖ សារ៉ាត