បរទេស៖ របបយោធាដែលកំពុងកាន់អំណាច នៅប្រទេសមីយ៉ាន់ម៉ា បាននិយាយ នៅថ្ងៃសៅរ៍នេះថា ចំនួនអ្នកស្លាប់ ដោយសារការរញ្ជួយដីដ៏ធំមួយ នៅក្នុងប្រទេសមីយ៉ាន់ម៉ាបានឡើងលើស ១,០០០នាក់ហើយ និង ជាង២,០០០នាក់ទៀត រងរបួស។

សេចក្តីថ្លែងការណ៍មួយ ពីក្រុមព័ត៌មានរបស់របបយោធា បានអះអាងថា មនុស្សចំនួន ១,០០២នាក់ ត្រូវបានគេបញ្ជាក់ថាបាត់បង់ជីវិត នៅក្នុងការរញ្ជួយដីកម្រិត៧.៧ រិចទ័រដែលបានកើតឡើងកាលពីថ្ងៃសុក្រ ហើយ មនុស្សរងរបួស មានចំនួន២,៣៧៦នាក់៕

ប្រភពពី AFP ប្រែសម្រួល៖ សារ៉ាត