សម្តេចវិបុលសេនាភក្តី សាយ ឈុំ និងលោកជំទាវ អញ្ជើញ​រៀបចំពិធីបង្សុកូល ឧទ្ទិសកុសល ជូនដល់ដួងវិញ្ញាណក្ខន្ធ បុព្វការីជន នៅឃុំកោះសូទិន ខេត្តកំពង់ចាម

(ខេត្តកំពង់ចាម)៖ សម្តេចវិបុលសេនាភក្តី សាយ ឈុំ ឧត្តមប្រឹក្សាផ្ទាល់ព្រះ​ម​ហា​​​ក្សត្រ និងលោកជំទាវ ព្រមទាំង​ក្រុមគ្រួសារ បានអញ្ជើញ​សំណេះសំណាល​ជាមួយបងប្អូន​ប្រជា​ពលរដ្ឋ និងប្រារព្ធពិធី​ប័ង្សុកូល ឧទ្ទិសកុសលជូនដល់​ដួង​វិញ្ញាណក្ខន្ធ បុព្វការីជន មានមាតា បិតា ញាតិការទាំង ៧សន្តាន និងញាតិសាច់សារ​លោហិតជិតឆ្ងាយទាំងអស់ ដែលបានបែកកាយរំលាយ​ខ័ន្ធទៅកាន់លោកខាងមុខ​ហើយនោះ។

ពិធីនេះធ្វើឡើងនៅព្រឹកថ្ងៃសៅរ៍ ១កើត ខែចេត្រ ឆ្នាំរោង ឆស័ក ព.ស ២៥៦៨ ត្រូវនឹងថ្ងៃទី២៩ ខែមីនា ឆ្នាំ២០២៥​ស្ថិតនៅសាលាសន្សំកុសល ភូមិទី១០ ឃុំកោះសូទិន ស្រុក​កោះសូទិន ខេត្តកំពង់ចាម ដោយមានការអញ្ជើញ​ចូលរួមពី ឯកឧត្តម អ៊ុន ចាន់ដា អភិបាលនៃគណៈអភិបាលខេត្ត​កំពង់​ចាម លោកអភិបាលស្រុក លោកស្រីមេឃុំ និងថ្នាក់​ដឹកនាំ​ពាក់ព័ន្ធជាច្រើនរូបទៀត។

សម្តេចវិបុលសេនាភក្តី សាយ ឈុំ និងលោកជំទាវ បាន​ថ្វាយ​គ្រឿងសក្ការៈបូជា ផ្កាភ្ញី ទៀនធូប ថ្វាយព្រះពុទ្ធរូប និងធ្វើ​បទ​នមស្សការ ព្រះរតនត្រ័យ និងសមាទានសីល និមន្តព្រះ​សង្ឃ ចំនួន ៥អង្គ ស្វាធ្យាយចម្រើនព្រះបរិត្ត ប្រសិទ្ធពរជ័យ សេរីសួស្តីមហាបវរប្រសើរ ដើម្បី ឧទ្ទិសកុសលផលបុណ្យ​ជូន​ដល់មាតាបិតា ជីដូនជីតា និងញាតិ្តការទាំងប្រាំពីរ​សណ្តាន​ដែលលោកបានចែកឋានទៅកាន់ប​រលោក​ខាងមុខហើយ ព្រមទាំងឧទិ្ទកុសលផលបុណ្យជូនដល់​វិញ្ញាណក្ខន្ធវីរៈកម្មាភិបាល យុទ្ធជន យុទ្ធនារី អ្នកស្នេហាជាតិ ដែលបានពលីជីវិត ស្បែកស្រស់ ឈាមស្រស់ ការពារប្រ​ទេស​ជាតិ ក្នុងសម័យសង្រ្គាមផងនោះ សូមបានយោងយិត ទៅចាប់បដិសន្ធិ ក្នុងឋានបរមសុខ កុំបីឃ្លាងឃ្លាតដោយ ប្រការណាមួយឡើយ។

បន្ទាប់ពី ព្រះសង្ឃបានប្រសិទ្ធពរ​ជ័យ សូមទស្សបារី វត្សុស័ក្កសិទ្ធិ ទេវតាថែរក្សាក្នុងលោក សូមជួយគាំពារថែរក្សាការពារ សម្តេចវិបុលសេនាភក្តី សាយ ឈុំ និងលោកជំទាវ បុត្រាបុត្រី រួមទាំងថ្នាក់ដឹកនាំទាំងអស់ ឈ្នះអស់មាសត្រូវ សុខភាពមាំមួន ដើម្បីជាអ្នកដឹកនាំដ៍ឆ្នើម​នៅកម្ពុជា និងដើម្បីថែរក្សាការពារសុខសន្តិភាព និងការអភិ​វឌ្ឍន៍​ប្រទេសកម្ពុជា អោយកាន់តែមានភាពរីក​ចម្រើន​តរៀង​ទៅ ជាមួយគ្នានេះដែរសម្តេចវិបុលសេនាភក្តី សាយ ឈុំ និងលោកជំទាវក៏បានប្រគេននូវទេយ្យវត្ថុជាច្រើនមុខ និង​ឧបត្ថមថវិកាដល់បងប្អូនប្រជាពលរដ្ឋផងដែរ៕

ដោយ ៖ លី ពៅ

ads banner