ក្រុមការងារគណបក្សចុះមូលដ្ឋានក្រុងព្រៃវែង ផ្សព្វផ្សាយលទ្ធផលសន្និបាតគណៈកម្មាធិការកណ្ដាលលើកទី៤៥ អាណត្តិទី៥ ជូនដល់សមាជិកបក្សភូមិបារាយណ៍លិច
(ព្រៃវែង)៖ ឯកឧត្តម កាន វឌ្ឍនា អនុប្រធានក្រុមការងារ គណបក្សប្រជាជនកម្ពុជាចុះមូលដ្ឋានក្រុងព្រៃវែង និងជាអនុប្រធានក្រុមការងារបក្សចុះមូលដ្ឋាននៅសង្កាត់បារាយណ៍ តំណាង ឯកឧត្តម យឹម ភាង ប្រធានក្រុមការងារបក្សចុះមូលដ្ឋានសង្កាត់បារាយណ៍ បានចូលរួមជាអធិបតីក្នុងកិច្ចប្រជុំផ្សព្វផ្សាយលទ្ធផលសន្និបាតគណៈកម្មាធិការកណ្ដាលលើកទី៤៥ អាណត្តិទី៥ របស់គណបក្សប្រជាជនកម្ពុជា ជូនដល់សមាជិក សមាជិកា គណបក្សភូមិបារាយណ៍លិច សង្កាត់បារាយណ៍ ក្រុងព្រៃវែង ខេត្តព្រៃវែង នៅទីស្នាក់ការបក្សសង្កាត់ នៅថ្ងៃទី២៩ ខែមីនា ឆ្នាំ២០២៥ ។
ឯកឧត្តម បានលើកឡើងសមិទ្ធផលដែលសម្រេចបាន ក្នុងឆ្នាំ២០២៤ ដើម្បីការពាររាល់សមិទ្ធផលសង្គមជាតិ និងបន្តសម្រេចបាននូវសមិទ្ធផលធំៗថ្មីៗថែមទៀត អង្គសន្និបាតបានដាក់ចេញទិសដៅការងារក្នុងឆ្នាំ២០២៥ ជូនសមាជិក សមាជិកាគណបក្ស ជ្រាប ចំនួន១០ ចំណុចសំខាន់ៗ។
ឯកឧត្តមប្រធាន អង្គប្រជុំ បានកោតសរសើរ និងវាយតម្លៃខ្ពស់ចំពោះប្រធាន អនុប្រធាន ក្រុមការងារចុះមួលដ្ឋានសង្កាត់បារាយណ៍ គណបក្សសង្កាត់បារាយណ៍ គណបក្សភូមិ ព្រមទាំងសមាជិក សមាជិកាគណបក្សប្រជាជនកម្ពុជា សង្កាត់បារាយណ៍ទាំងអស់ ដែលបានខិតខំប្រែង អស់ពីកំលាំងកាយចិត្ត និងប្រាជ្ញា ក្នុងការអនុវត្ត តួនាទីភារកិច្ច និងបោះឆ្នោតជូនគណបក្សប្រជាជនកម្ពុជា ទទួលបានជោគជ័យជាបន្តបន្ទាប់ ។
ក្នុងនាមក្រុមការងារគណបក្សចុះមូលដ្ឋានសង្កាត់បារាយណ៍ និងឯកឧត្តម សង្ឃឹមជឿជាក់ថា រាល់ខ្លឹមសារ សន្និបាតគណបក្សប្រជាជនកម្ពុជា លើកទី៤៥ អាណត្តិទី៥ ដែលបានផ្សព្វផ្សាយ និងបានដាក់ចេញ ក្នុងឱកាសនេះ នឹងសម្រេចបាន លទ្ធផលល្អប្រសើរ តាមការរំពឹងទុក និងទទួលបាននូវភាពជឿជាក់ពីប្រជាជន មកលើគណបក្សប្រជាជនកម្ពុជា ក្នុងការដឹកនាំបន្តទៅមុខទៀត ៕
ដោយ ៖ វណ្ណលុក
