នាយករដ្ឋមន្ត្រី ​សម្រេច​បង្កើត​ក្រុមអ្នកច្បាប់ សម្តេចធិបតី ហ៊ុន ម៉ាណែត ដើម្បីផ្តល់ជំនួយផ្នែកច្បាប់ជូនពលរដ្ឋ ដែល​ពុំមានលទ្ធភាព

(ភ្នំពេញ)៖ សម្តេច​មហាបវធិបតី ហ៊ុន ម៉ាណែត នាយក​រដ្ឋ​មន្ត្រី​កម្ពុជា បាន​សម្រេច​បង្កើត​ក្រុមអ្នកច្បាប់សម្តេចមហា​បវរធិបតី ហ៊ុន ម៉ាណែត (ក.ច.ស.ធ.) ក្នុងគោលបំណងផ្តល់​ជំនួយផ្នែកច្បាប់ ជូនប្រជាពលរដ្ឋដែលពុំមានលទ្ធភាពពឹង​ពាក់សេវាវិជ្ជាជីវៈច្បាប់ ហេីយជាយន្តការបំពេញបន្ថែម​សំដៅ​បង្កើនសហថាមពលក្នុងវិស័យច្បាប់ និងយុត្តិធម៌ ។

តាមរយៈបណ្ដាញសង្គមនាព្រឹថឲកថ្ងៃទី៣១ ខែមីនា ឆ្នាំ២០២៥ សម្ដេចធិបតី បានបញ្ជាក់ថា នៅថ្ងៃទី២៩ ខែមីនា ឆ្នាំ២០២៥ ក្រុមអ្នកច្បាប់សម្តេចមហាបវរធិបតី ហ៊ុន ម៉ាណែត (ក.ច.ស.ធ.) បានរៀបចំពិធីប្រកាស​សមាសភាព ជាផ្លូវការ ។

ស្ថិតក្នុងឱកាសនេះ ឯកឧត្តម​ ម៉ុក​ ចន្ទ​សុធា​ ប្រធាន ក.ច.ស.ធ. បានមានមតិសំណេះសំណាល និងពាំនាំ​ការផ្តាំផ្ញើសួរសុខទុក្ខពីសម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជា និងលោកជំទាវ​បណ្ឌិត ពេជ ចន្ទមុន្នី ហ៊ុន ម៉ាណែត ជូនដល់សមាជិក ក្រុមការងារទាំងអស់ និងអង្គពិធីទាំងមូល។

ឯកឧត្តមប្រធាន ក.ច.ស.ធ. បានលើកឡើង បន្ថែមទៀតថា ការបង្កើត ក.ច.ស.ធ. គឺមានគោលបំណង ផ្តល់ជំនួយផ្នែក​ច្បាប់ជូនប្រជាពលរដ្ឋ ដែលពុំមានលទ្ធភាពពឹងពាក់​សេវា​វិជ្ជាជីវៈច្បាប់ តាមបទបញ្ជាដ៏ខ្ពង់ខ្ពស់របស់សម្តេចធិបតី និងមិនទៅជំនួសយន្តការដែលមានស្រាប់នោះទេ។

ក.ច.ស.ធ. គឺជាយន្តការបំពេញបន្ថែម ដើម្បីបង្កើន​សហ​ថាម​ពលក្នុងវិស័យច្បាប់ និងយុត្តិធម៌។ ជាមួយ​គ្នានេះ​ឯកឧត្តមប្រធាន បានសង្កត់ធ្ងន់ថា ការអនុវត្តការងារ​ត្រូវ​គោរព ក្រមសីលធម៌វិជ្ជាជីវៈ វិន័យ និងត្រូវមានការទទួល​ខុសត្រូវខ្ពស់ ចៀសវៀងការប្រព្រឹត្តអំពើខុសឆ្គង និង​ខុស​ច្បាប់ ព្រមទាំងសកម្មភាពទាំងឡាយដែលប៉ះពាល់ដល់ ក.ច.ស.ធ. ៕

ឈឹម សុផល
ឈឹម សុផល
ពីឆ្នាំ៩១-៩៦ គឺជាអ្នកយកព័ត៌មាន ទូរទស្សន៍ជាតិកម្ពុជា។ ពីឆ្នាំ៩៦ដល់បច្ចុប្បន្ន បម្រើការងារព័ត៌មាននៅទូរទស្សន៍អប្សរា។ ក្រោមការអនុវត្តប្រឡូកក្នុងវិស័យព័ត៌មាន រយៈពេលជាច្រើនឆ្នាំ នឹងផ្ដល់ជូនមិត្តអ្នកអាននូវព័ត៌មានប្រកបដោយគុណភាព និងវិជ្ជាជីវៈ។
ads banner
ads banner
ads banner