បរទេស៖ ក្រុមអ្នកជួយសង្គ្រោះបានបន្តស្វែងរកព្រះសង្ឃ ដែលជាប់គាំងក្រោមគំនរបែកបាក់ក្នុងវត្ត U Hla Thein ដោយសារគ្រោះរញ្ជួយដី នៅមីយ៉ាន់ម៉ា នៅឯសាលប្រឡងរបស់ព្រះសង្ឃដែលដួលរលំ។

រូបភាពបង្ហាញពីព្រះសង្ឃ នៅក្នុងទីក្រុង Mandalay
សម្លឹងមើលប្រហោងប្រហោងក្នុងដី ដែលសាកសពព្រះសង្ឍមួយអង្គបានសុគត់ បន្ទាប់ពីការរញ្ជួយដីកម្រិត ៧.៧រិចទ័រ វាយប្រហារដោយបំផ្លាញអគារនានា នៅទូទាំងទីក្រុងមីយ៉ានម៉ា ភាគកណ្តាល។ ក្រុមអ្នកជួយសង្គ្រោះមីយ៉ាន់ម៉ា និងមកពីប្រទេសចិន បានព្យាយាមរុករកតាមកម្ទេចថ្ម ដើម្បីស្វែងរកជនរងគ្រោះដែលកប់។

អ្នកសម្របសម្រួលម្នាក់បានប្រាប់ AFP ថា ព្រះសង្ឃជាង១៨០អង្គ កំពុងអង្គុយប្រឡង នៅខាងក្នុងនៅពេលដែលរញ្ជួយដីបានវាយប្រហារ និងបានដួលរលំផ្នែកទាំងមូល នៃអាគារ។

អ្នកជួយសង្គ្រោះបាននិយាយថា កាលពីថ្ងៃសុក្រ និងថ្ងៃសៅរ៍ សាកសពព្រះសង្ឃសរុបចំនួន២១អង្គ ត្រូវបានជួយសង្គ្រោះ នៅមានព្រះជន្មរស់ ហើយសាកសព ១៣ អង្គត្រូវបានគេរកឃើញ កាលពីព្រឹកថ្ងៃអាទិត្យ។

ព្រះអង្គ Bhone Thuta ដែលបានបួសអស់រយៈពេល ១៨ ឆ្នាំមកហើយ បានមានសង្ឃដីកាថា «ការសិក្សាសាសនារបស់អ្នកលះបង់ បានបង្រៀនពួកគេឱ្យទទួលយក…វាកើតឡើង ដោយសារតែវាមានន័យ។ អ្នកមិនអាចបន្ទោសនរណាម្នាក់ បានទេ»។

ព្រះអង្គបន្តថា «ក្នុងព្រះពុទ្ធសាសនា យើងជឿថា វាគឺដោយសារតែកម្មផលរបស់យើង ពីអតីតកាលរបស់យើង។ យើងគ្រាន់តែសងបំណុលរបស់យើង មានតែព្រះពុទ្ធទេដែលដឹងពីអ្វីដែលនឹងកើតឡើង ហើយនេះ គឺជាបំណុលដែលយើងត្រូវសង»៕

ប្រភពពី AFP ប្រែសម្រួល៖ សារ៉ាត