បរទេស ៖ យោធានៃប្រទេសម៉ិកស៊ិក បានរឹបអូសកូកាអ៊ីនចំនួន ១,៨តោន នៅឆ្នេរភាគខាងត្បូងរបស់ខ្លួន។

កងទ័ពជើងទឹកម៉ិកស៊ិក កាលពីចុងសប្តាហ៍ បានបញ្ចេញរូបភាពនៃប្រតិបត្តិការយោធា ដែលក្នុងនោះ កូកាអ៊ីន ១.៨ តោន ត្រូវបានរឹបអូស ហើយបុរស ៥នាក់ ត្រូវបានចាប់ខ្លួន នៅឯឆ្នេរសមុទ្រ នៃរដ្ឋ Guerrero ភាគខាងត្បូង។

យោងតាមអាជ្ញាធរ បានឱ្យដឹងថា កងទ័ពកំពុងធ្វើការឃ្លាំមើលដែនសមុទ្រ នៅពេលដែល នៅចម្ងាយប្រហែល ៣៨០គីឡូម៉ែត្រ ពីរមណីយដ្ឋានមាត់សមុទ្រនៃតំបន់ Acapulco ពួកគេបានប្រទះឃើញទូកល្បឿនលឿនមួយ កំពុងខិតជិតមកដល់។

ប្រទេស ម៉ិកស៊ិក បានបង្កើនការប្រកាសអំពីការរឹបអូសគ្រឿងញៀន និងការចាប់ខ្លួនអ្នកជួញដូរគ្រឿងញៀន ចំពេលមានការគំរាមកំហែង របស់ប្រធានាធិបតីអាមេរិក Donald Trump ក្នុងការដាក់ពន្ធ ២៥% លើការនាំចេញទាំងអស់ របស់ម៉ិកស៊ិក៕

ប្រភពពី AFP ប្រែសម្រួល៖ សារ៉ាត