កម្លាំងប្រតិបត្តិការសឹករងកំពង់ឆ្នាំង បន្តសកម្មភាពដូចភ្លៀងរលឹមចុះបង្ក្រាបបទល្មើសនេសាទខុសច្បាប់នៅក្នុងដែនបឹងទន្លេសាប ខេត្តកំពង់ឆ្នាំង
(កំពង់ឆ្នាំង)៖ ឯកឧត្តម ឧត្តមសេនីយ៍ត្រី អ៊ុ សុភា មេបញ្ជាការ តំបន់ប្រតិបត្តិការសឹករងកំពង់ឆ្នាំង សូមគោរពរាយការណ៍អំពីលទ្ធផល នៃកិច្ចសហការបង្ក្រាបបទល្មើសនេសាទ ក្នុងភូមិសាស្ត្រខេត្តកំពង់ឆ្នាំង នៅថ្ងៃអង្គារ ទី០៨ ខែមេសាឆ្នាំ២០២៥ កម្លាំងតំបន់ប្រតិបត្តិការសឹករងកំពង់ឆ្នាំង សហការជាមួយ យោធភូមិភាគទី៥, កងពលតូចលេខ៧០ និង បញ្ជាការដ្ឋានទ័ពពិសេស៩១១ សរុបចំនួន ១០៣នាក់ កាណូតបាឡាស្មាច់ ២២គ្រឿង ប្រើប្រាស់សាំង ៥៧០លីត្រ ប្រេងម៉ាស៊ូត ៣០លីត្រ ចេញបង្ក្រាបបទល្មើសនេសាទ ក្នុងភូមិសាស្ត្រភូមិចុងកោះ សង្កាត់ផ្សារឆ្នាំង ក្រុងកំពង់ឆ្នាំង, ឃុំពោធិ៍ ឃុំប្រឡាយមាស ស្រុកកំពង់លែង,ភូមិសេះស្លាប់,ភូមិឆ្នុកទ្រូ ឃុំឆ្នុកទ្រូ ស្រុកបរិបូណ៌ ខេត្តកំពង់ឆ្នាំង ។
ក្នុងប្រតិបត្តិការប្រាប់បទល្មើសនេសាទរបាំងស្បៃមុងនិងសម្រាកបានបំផ្លាញចោលចំនួន ០៦ទីតាំង សាច់ឡុក ចំនួន ៦ឡុក=៧០០ម៉ែត្រ របាំងស្បៃមុងចំនួន ២៤០ម៉ែត្រ.ចម្រឹង ១៦០ដើម -អប់រំប្រជាពលរដ្ឋ ០៥នាក់.ធ្វើកិច្ចសន្យាបញ្ឈប់ប្រព្រឹត្តបទល្មើសនេសាទ ២
នាក់.ចុះត្រួតពិនិត្យទីតាំងប្រជាពលរដ្ឋស្នើសុំហ៊ុសម្រាស់ ៦៧កន្លែង។
ពាក់ព័ន្ធបង្ក្រាបបទល្មើសនេសាទខាងលើនេះមេបញ្ជាការតំបន់ប្រតិបត្តិការសឹករងកំពង់ឆ្នាំងបាន ដឹកនាំកម្លាំងមុនចេញប្រតិបត្តិការបង្ក្រាប បានធ្វើការអប់រំ ដល់ នាយ-ពលទាហាន ឲ្យយល់នៅភារកិច្ចរបស់ខ្លួនក្នុងពេល ចុះ បង្ក្រាប ល្មើសនេសាទ គឺកងកម្លាំងទាំងអស់ ត្រូវតែបំផ្លាញចោលឧបករណ៍នេសាទខុស
ច្បាប់តែប៉ុណ្ណោះ និងត្រូវមានវិន័យនិងក្រមសីលធម៌របស់កងទ័ពក្នុងការអនុវត្តភារកិច្ចបទបញ្ជារក្សាសាមគ្គីភាពរវាងអង្គភាពមួយ ទៅអង្គភាពមួយនិង ហាមដាច់ខាត មិនឲ្យទទួលសំណូក ពីប្រជានេសាទ ដែលប្រព្រឹត្តបទល្មើសនោះឡើយ៕
សុខ គឹមសៀន
