និយាយពីកីឡា នឹកឃើញ វឌ្ឍនៈ មុនគេ! ក្រុមហ៊ុនរបស់ខ្មែរ ដែលលើកស្ទួយគ្រប់វិស័យកីឡាជាតិ
ភ្នំពេញ:នៅគ្រប់ព្រឹត្តិការណ៍កីឡាជាតិ និងអន្តរជាតិដ៏ធំៗ ដែលបន្សល់ទុកនូវភាពជក់ចិត្តដិតអារម្មណ៍ និងមោទនភាពជាតិដ៏ក្រៃលែង គេតែងនឹកឃើញដល់អ្នករៀបចំ និងគាំទ្រ ។នោះគឺក្រុមហ៊ុន វឌ្ឍនៈ ជាអ្នកចូលរួមចំណែកដ៏សំខាន់មុនគេ។
ក្រុមហ៊ុន វឌ្ឍនៈជាក្រុមហ៊ុនរបស់ខ្មែរ ដែលមានម្ចាស់ភាគហ៊ុនជាជនជាតិខ្មែរ ១០០ភាគរយ ។ជាក្រុមហ៊ុនមានភាពលេចធ្លោខ្លាំងក្នុងឧស្សាហកម្មផលិតស្រាបៀរ និងភេសជ្ជៈនៅកម្ពុជា ។ក្រុមហ៊ុននេះបង្ហាញនូវការប្តេជ្ញាចិត្តដ៏មោះមុតក្នុងការចូលរួមលើកកម្ពស់វិស័យកីឡាគ្រប់ប្រភេទនៅក្នុងព្រះរាជាណាចក្រកម្ពុជាអស់រយៈពេលជាយូរឆ្នាំមកហើយ ដោយបានក្លាយជាគ្រឹះដ៏រឹងមាំសម្រាប់ការអភិវឌ្ឍវិស័យកីឡាជាតិឱ្យកាន់តែរីកចម្រើន។
សកម្មភាពដ៏លេចធ្លោជាច្រើនឆ្នាំកន្លងមកនេះមិនមែនកើតឡើងដោយចៃដន្យ ឬឯកឯងនោះទេ ។កត្តាអ្នកដឹកនាំគឺជាការបង្កើតសមិទ្ធផល។ ក្រុមហ៊ុន វឌ្ឍនៈ ដែលមានអ្នកឧកញ៉ា សំអាង វឌ្ឍនៈ ជាអគ្គនាយក ប្រកបដោយចក្ខុវិស័យវែងឆ្ងាយ បានផ្តល់ការឧបត្ថម្ភយ៉ាងពេញទំហឹងដល់ព្រឹត្តិការណ៍កីឡា ពានរង្វាន់ ស្ថាប័នកីឡា ក្លិប កីឡាករ កីឡាការិនី និងសកម្មភាពកីឡាផ្សេងៗជាច្រើនទៀត។
ជាក់ស្តែង ក្រុមហ៊ុន វឌ្ឍនៈ បានបន្តជាអ្នកឧបត្ថម្ភធំសម្រាប់ព្រឹត្តិការណ៍ដ៏អស្ចារ្យនៃការប្រកួតវគ្គផ្តាច់ព្រ័ត្រពានរង្វាន់ AFC Challenge 2024/2025 រវាងក្រុមព្រះខ័នរាជស្វាយរៀង និងក្រុមអាកាដា ដែលគ្រោងនឹងប្រព្រឹត្តទៅនៅថ្ងៃទី១០ ខែឧសភា ឆ្នាំ២០២៥ ខាងមុខនេះ។ ព្រឹត្តិការណ៍ដ៏កក្រើកនេះទទួលបានការគាំទ្រយ៉ាងខ្លាំងពីមហាជន ដោយមានអ្នកទិញសំបុត្រទស្សនាជិត ៦ ម៉ឺននាក់ ដែលជាសក្ខីភាពនៃការស្រឡាញ់វិស័យកីឡាបាល់ទាត់ និងការគាំទ្រចំពោះក្រុមទាំងពីរ។
ការគាំទ្រដ៏ធំធេងនេះ រំលឹកដល់ព្រឹត្តិការណ៍ជាប្រវត្តិសាស្ត្រនៃការបើក កីឡាស៊ីហ្គេម (SEA Games) លើកទី៣២ និង កីឡាអាស៊ាន ប៉សរ៉ាហ្គេម (ASEAN Para Games )លើកទី១២ ឆ្នាំ២០២៣ ដែលកម្ពុជាបានធ្វើជាម្ចាស់ផ្ទះ នៅពហុកីឡដ្ឋានជាតិមរតកតេជោ ប្រកបដោយភាពសាទរនិងអស្ចារ្យបំផុត ដោយមានក្រុមហ៊ុន វឌ្ឍនៈ ជាអ្នកចូលរួមឧបត្ថម្ភដ៏ធំផងដែរ។
ការចូលរួមចំណែកដោយឆន្ទៈមោះមុតរបស់ក្រុមហ៊ុន វឌ្ឍនៈ បានធ្វើឱ្យព្រឹត្តិការណ៍កីឡាដ៏ធំក្នុងតំបន់អាស៊ានមួយនេះទទួលបានការកោតសរសើរពីអន្តរជាតិចំពោះស្មារតីជាតិ និងការចូលរួមយ៉ាងសប្បាយរីករាយពីប្រជាពលរដ្ឋខ្មែររាប់សែននាក់។
រួមចំណែកលើកស្ទួយវិស័យកីឡារបស់កម្ពុជា ក្រុមហ៊ុន វឌ្ឍនៈបានឧបត្ថម្ភដល់វិស័យកីឡាជាច្រើនផ្សេងទៀត រួមមាន៖
- ព្រឹត្តិការណ៍កីឡាស៊ីហ្គេម ឆ្នាំ២០២៣
- សហព័ន្ធកីឡាបាល់ទាត់កម្ពុជា (FFC)
- លីគបាល់ទាត់កំពូលកម្ពុជា (Cambodian Premier League)
- ការប្រកួតកីឡាជាតិ ៣ ឆ្នាំជាប់ៗគ្នា
- ព្រឹត្តិការណ៍រត់ពាក់កណ្តាលម៉ារ៉ាតុងជាច្រើន
- ព្រឹត្តិការណ៍ គ្រុឌគុនខ្មែរ និង ដ្រាហ្គិនគុនខ្មែរ
- គ្រុឌស៊ូបភើខាប់
- ព្រឹត្តិការណ៍ប្រកួតកីឡាបាល់ទាត់ជើងឯកអនុវិទ្យាល័យ និងវិទ្យាល័យ
- ការគាំទ្រដល់ក្លិបបាល់ទាត់ល្បីៗ ដូចជា គិរីវង់សុខសែនជ័យ ព្រះខ័នរាជស្វាយរៀង និងបឹងកេត
អ្វីដែលជាការកត់សម្គាល់ដ៏ពិសេសនោះ ក្រុមហ៊ុន វឌ្ឍនៈ បានរៀបចំការប្រកួតប្រដាល់គុនខ្មែរជាច្រើនកម្មវិធីជាប្រចាំសប្តាហ៍ ដែលជាកម្លាំងចលករដ៏សំខាន់ក្នុងការលើកកម្ពស់ ជំរុញ និងអភិវឌ្ឍគុនខ្មែរ ដែលជាកីឡាអត្តសញ្ញាណជាតិ។
ក្រុមហ៊ុនក៏បានផ្តល់ការឧបត្ថម្ភដល់ការប្រកួតកីឡាគុនចម្រុះផងដែរ។
អ្នកឧកញ៉ា សំអាង វឌ្ឍនៈ តែងតែផ្តល់ថវិកាផ្ទាល់ដល់កីឡាករ កីឡាការិនី គ្រូបង្វឹក និងក្រុមការងាររៀបចំការប្រកួតប្រដាល់ដើម្បីលើកកម្ពស់ជីវភាព និងផ្តល់កម្លាំងចិត្តដល់ពួកគេក្នុងការបន្តអាជីព ក៏ដូចជាការឧបត្ថម្ភដល់កីឡាករ កីឡាការិនីគុនខ្មែរដែលបានចេញទៅប្រកួតនៅក្រៅប្រទេស និងសកម្មភាពកីឡាជាច្រើនផ្សេងទៀតអស់រយៈពេលជាច្រើនឆ្នាំមកហើយ។
ការចូលរួមចំណែកដ៏ធំធេង និងជាបន្តបន្ទាប់របស់ក្រុមហ៊ុន វឌ្ឍនៈ បានបង្ហាញឱ្យឃើញពីការប្តេជ្ញាចិត្តដ៏មុតមាំក្នុងការគាំទ្រ និងអភិវឌ្ឍន៍វិស័យកីឡានៅកម្ពុជាឱ្យកាន់តែរីកចម្រើនទៅមុខ៕
អត្ថបទ:ទីផ្សារ
