បន្ទាយមានជ័យ៖ឯកឧត្តម ឌិត ទីណា រដ្ឋមន្ត្រីក្រសួងកសិកម្ម រុក្ខាប្រមាញ់ និងនេសាទ ប្រធានក្រុមការងារ​រាជរដ្ឋាភិបាល​ចុះមូលដ្ឋានខេត្តបន្ទាយមានជ័យ និងជាប្រធានកិត្តិយស​សាខា​កាកបាទក្រហមខេត្តបន្ទាយមានជ័យ អមដំណើរដោយ ឯកឧត្តម ប្លែក វ៉ារី ប្រធានក្រុមប្រឹក្សាខេត្ត ឯកឧត្តម អ៊ុ រាត្រី អភិបាលខេត្ត​បន្ទាយមានជ័យកាលពីរសៀលថ្ងៃទី៤ ខែ​មិថុនា ឆ្នាំ២០២៥ បានអញ្ជើញជួបសំណេះសំណាលនិងជូនអំណោយមនុស្សធម៌ ជូនពលរដ្ឋងាយរងគ្រោះចំនួន៣០០​គ្រួសារ នៅក្រុងសិរី​សោភ័ណ ខេត្តបន្ទាយមានជ័យ។

ក្នុងឱកាសនេះឯកឧត្តមរដ្ឋមន្ត្រីបាននាំនូវការសួរសុខទុក្ខ និងក្តីនឹករលឹកពីសំណាក់សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុន សែន ប្រធានកាកបាទក្រហមកម្ពុជានិងបានកោតសរសើរ​ចំពោះការខិតខំប្រឹងប្រែងរបស់ថ្នាក់ដឹកនាំ និងសហការី​សាខា​កាកបាទក្រហម ជាពិសេសយុវជននៅតាមភូមិ-ឃុំ ដែលមាន​ធ្វើសកម្មភាពមនុស្សធម៌បានយ៉ាងល្អ និងទាន់ពេលវេលា។ឯកឧត្តមបានលើកទឹកចិត្តឱ្យបន្តចលនានេះឱ្យបានជាប់លាប់គ្រប់ទីកន្លែង ៕
ដោយ៖ឃិន គន្ធា