កំពត៖ ក្រោយបញ្ចប់កិច្ចប្រជុំទ្វេភាគីកម្ពុជា-ថៃលើកទី២ ស្ដីពីកិច្ចសហប្រតិបត្តិការលើវិស័យទេសចរណ៍រួចមក រដ្ឋមន្ត្រីក្រសួងទេសចរណ៍កម្ពុជា លោក ថោង ខុន រួមជាមួយរដ្ឋមន្ត្រីក្រសួងទេសចរណ៍ថៃ លោក វីរ៉ាស័ក្តិ កូវស៊ូរ៉ាត់ បានឯកភាពគ្នាដាក់ចេញផែនការធំៗមួយចំនួន ដើម្បីបន្តកិច្ចសហប្រតិបត្តិការលើវិស័យទេសចរណ៍ជាមួយគ្នា។ កិច្ចប្រជុំដ៏សំខាន់នេះ ត្រូវបានរៀបចំឡើងនាថ្ងៃទី១៧ ខែតុលា ឆ្នាំ២០១៨ នៅសណ្ឋាគារ ឡឺ បូកគោផាលេស (ឧទ្យានជាតិព្រះមុនីវង្សបូកគោ)ខេត្តកំពត។