សៀមរាប៖ ស្ថានីយ៍ផលិតទឹកសហគមន៏តានីមួយកន្លែង ស្ថិតនៅក្នុងភូមិតានីត្រូវបានសម្ពោធដាក់ឲ្យប្រើប្រាស់ជាផ្លូវការហើយ ឃុំរុនតាឯក ស្រុកបន្ទាយស្រី ខេត្តសៀមរាប ដែលបានសាងសង់ឡើងដោយអង្គការលំនៅស្ថានមនុស្សជាតិនៃប្រទេសកម្ពុជា (Hanbitat for Humanity Singapore) កាលពីព្រឹកថ្ងៃទី១៧ ខែកក្កដា ឆ្នាំ២០១៨នេះ ដោយមានថ្នាក់ដឹកនាំមន្ទីរ អាជ្ញាធរមូលដ្ឋាន សិស្សានុសិស្ស និង ប្រជាពលរដ្ឋ សរុបប្រមាណជាង១០០នាក់ បានចូលរួមផងដែរ។ សហគ្រាសផលិតទឹកបរិសុទ្ធសហគមន៏ បានបង្កើតឡើង ដើម្បីលើកកម្ពស់សុខភាព ប្រជាជនតាមរយ:ការទទួលទានទឹកដែលមានសុវត្ថិភាព ម្យ៉ាងវិញទៀត សហគ្រាសនេះ នឹងជួយបង្កើតយន្តការដើម្បីរួមចំណែកយ៉ាងថ្លៃថ្លាដល់ការស្តារ និងការអភិវឌ្ឍសហគមន៏ដោយខ្លួនឯងផងដែរ។